تحریک انصاف کا پانچ اگست احتجاج محض ایک سیاسی تماشا ہے،اس سے کچھ حاصل نہیں ہو گا، ہمایوں خان

اتوار 3 اگست 2025 17:40

اسلام آباد (اُردو پوائنٹ اخبارتازہ ترین - این این آئی۔ 03 اگست2025ء)پاکستان پیپلز پارٹی سیکرٹری جنرل محمد ہمایوں خان نے کہاہے کہ تحریک انصاف کا پانچ اگست احتجاج محض ایک سیاسی تماشا ہے،اس سے کچھ حاصل نہیں ہو گا۔ تحریک انصاف کے پانچ اگست کے احتجاج پر ردعمل کا اظہار کرتے ہوئے انہوںنے کہاکہ یہ احتجاج صرف عوام کو گمراہ کرنے کی ایک اور ناکام کوشش ہے۔

انہوںنے کہاکہ تحریک انصاف کا پانچ اگست احتجاج محض ایک سیاسی تماشا ہے،اس سے کچھ حاصل نہیں ہو گا۔ انہوںنے کہاکہ ملک کو اس وقت اتحاد، استحکام اور ترقی کی ضرورت ہے، نہ کہ ایسے احتجاجوں کی جو سیاسی پوائنٹ اسکورنگ کے سوا کچھ نہیں۔ ہمایوں خان نے کہاکہ عوامی مسائل کا حل صرف پارلیمان، قانون اور آئین کے دائرے میں رہ کر ہی ممکن ہے۔

(جاری ہے)

انہوںنے کہاکہ تحریک انصاف کا ماضی صرف جھوٹے وعدوں، الزام تراشیوں اور اداروں سے محاذ آرائی سے بھرا ہوا ہے۔

انہوںنے کہاکہ پانچ اگست کا احتجاج بھی اسی منفی سیاست کا تسلسل ہے، جس کا مقصد صرف عوام کو گمراہ کرنا اور قومی اداروں پر دباؤ ڈالنا ہے۔ انہوںنے کہاکہ پاکستان پیپلز پارٹی نے ہمیشہ جمہوریت، آئین اور پارلیمان کے ذریعے مسائل کا حل نکالا ہے، مستقبل میں بھی ہم اسی جمہوری سوچ کے ساتھ عوام کی رہنمائی کرتے رہیں گے۔