Live Updates

شمال مشرقی پنجاب،خطہ پوٹھوہار، خیبر پختونخوا اور کشمیر میں تیز ہواؤں اور گرج چمک کے ساتھ بارش کا امکان

اتوار 3 اگست 2025 18:40

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) شمال مشرقی پنجاب،خطہ پوٹھوہار، خیبر پختونخوا اور کشمیر میں آئندہ چوبیس گھنٹوں کے دوران تیز ہواؤں اور گرج چمک کے ساتھ بارش کا امکان ہے۔ اس دوران چند مقامات پر تیز موسلادھار بارش کی بھی توقع ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران خطہ پوٹھوہار،شمال مشرقی پنجاب، بالائی خیبر پختو نخوا ،گلگت بلتستان ،کشمیر اور ملحقہ پہاڑی علاقوں میں تیزہواؤں اور گرج چمک کے ساتھ چند مقامات پر بارش ہوئی جبکہ ملک کے دیگر علاقوں میں موسم گرم اور شدید حبس رہا۔

اس دوران سب سے زیادہ بارش لاہور (ایئر پورٹ 74،سٹی 41)، اسلام آباد (ایئرپورٹ 37، بوکرا 12، گولڑہ 9، زیروپوائنٹ، سید پور 2)، راولپنڈی (پیرودھائی 20، کچہری 17، گوالمنڈی، کٹاریاں 12، شمس آباد 11، چکلالہ4) ، شیخوپورہ 12، اٹک 9، جہلم 5، منگلا 3، قصور 2، منڈی بہاؤالدین ایک، گڑھی دوپٹہ 11، مظفر آباد (ایئرپورٹ 6، سٹی 3)، راولاکوٹ 2،سکردو 5، استور اور بابوسر اور کا کول میں 2ملی میٹر بارش ہوئی۔اتوار کو ریکارڈ کئے گئے زیادہ سےزیادہ درجہ حرارت کے مطابق دالبندین ،نوکنڈی 44اور دادو میں 43 سینٹی گریڈ ریکارڈ کیا گیا۔