اسرائیلی حکومت نے بھی مودی سرکار کو بڑا جھٹکا دیدیا

اسرائیل بھارتی اشتراک سے بنایا بارک 8 میزائل مختلف نام سے بیچنے لگا، بھارت ناراض

منگل 5 اگست 2025 18:35

تل ابیب (اُردو پوائنٹ اخبارتازہ ترین - این این آئی۔ 05 اگست2025ء)اسرائیلی حکومت نے مودی سرکار کو بڑا جھٹکا دیدیا، بھارت میں سب سے بڑے سرکاری عسکری تحقیقی ادارے ڈی آر ڈی اواور اسرائیل کی اسلحہ ساز کمپنی اسرائیل ایرواسپیس نے اشتراک سے زمین سے فضا میں مار کرنیوالا جدید میزائیل بارک 8 بنایا تھا،انکشاف ہوا ہے اسرائیل اسے نیا نام بارک۔

(جاری ہے)

ایم ایکسدیکر مراکش و دیگر ملکوں کو فروخت کر رہا، بارک8 میں لگی موٹرڈی آرڈوی اونے ایجاد کی تھی، وہ بھی میزائیل ایم ایکس میں موجود نہیں بلکہ اسرائیل ساختہ موٹر لگائی گئی ہے۔

دیگراہم پرزے بھی غائب ہیں، بھارتی میڈیا کے مطابق اسرائیل کے اس ناروا اقدام سے عالمی عسکری حلقوں میں یہ تاثر جنم لے رہا کہ بھارت کے اسلحہ ساز ادارے قابل اعتماد نہیں اور غیر معیاری ہتھیار بناتے ہیں، بھارتی میڈیا کی رو سے اسرائیلی حکومت نے اپنے دیرینہ دوست کو دھوکا دے کر اس کی پیٹھ میں چھرا گھونپ دیا، یہی نہیں، مستقبل میں دونوں ملکوں کے مابین عسکری معاہدے خطرے میں پڑ گئے ہیں۔