قومی تھرو بال اور کیچ بال ٹیموں کے چنائو کے سلسلہ دو روزہ ٹرائلز کراچی میں اختتام پزیر ہوگئے

منگل 5 اگست 2025 22:26

اسلام آباد (اُردو پوائنٹ اخبارتازہ ترین - این این آئی۔ 05 اگست2025ء)قومی تھرو بال اور کیچ بال ٹیموں کے چنائو کے سلسلہ دو روزہ ٹرائلز، منی سپورٹس کمپلیکس،ناظم آباد کراچی میں اختتام پزیر ہوگئے۔ ٹرائلز پاکستان تھرو بال فیڈریشن کے سیکرٹری جنرل مقبول آرائیں کی سربراہی میں منعقد ہوئے۔ دیگر ممبران میں عظمت پاشا، احمد ارشد، آئیون فیڈرک،عدنان ترین اوربلال حسین تھے۔

(جاری ہے)

اس موقع پر پاکستان تھرو بال فیڈریشن کے سیکرٹری جنرل مقبول آرائیں نے بتایا کہ ٹرائلز میں کھلاڑیوں نے بھر چڑھ کر حصہ لیا اور کھلاڑیوں کی سلیکشن میرٹ کی بنیاد پر کی گئی ہے۔ ٹیموں کے کھلاڑیوں کے ناموں کا اعلان جلد کردیا جائے گا۔ قومی تھرو بال ٹیمیں انٹرنیشنل مینز اینڈ ویمنز تھرو بال چیمپئن شپ میں شرکت کریں گی جو 26 سے 30 دسمبر تک قطر میں منعقد ہو گی جبکہ قومی ویمن کیچ بال ٹیم ورلڈ ویمن کیچ بال چیمپئن شپ میں شرکت کرے گی جو 13 سے 16 نومبر ہالینڈ میں منعقد ہوگی۔