ہندوستان نے 5 اگست کے دن یکطرفہ اور غیر قانونی اقدامات کے ذریعے کشمیریوں کی شناخت، آزادی اور خودمختاری پر شب خون مارا،سید فخرجہان

منگل 5 اگست 2025 22:55

پشاور(اُردو پوائنٹ اخبارتازہ ترین - این این آئی۔ 05 اگست2025ء)خیبرپختونخوا کے وزیر کھیل و آمور نوجوانان سید فخرجہان نے یومِ استحصالِ کشمیر کے موقع پر اپنے پیغام میں کہاہے کہ ہندوستان نے 5 اگست کے دن یکطرفہ اور غیر قانونی اقدامات کے ذریعے کشمیریوں کی شناخت، آزادی اور خودمختاری پر شب خون مارا۔5 اگست 2019 کا سیاہ دن آج بھی عالمی ضمیر پر سوالیہ نشان ہے جب ہندوستان نے کشمیر کی خصوصی حیثیت کو ختم کردیا۔

(جاری ہے)

ہم اپنے کشمیری مسلمان بھائیوں اور بہنوں،بزرگوں اور نوجوانوں کے ساتھ کھڑے ہیں، ان کی جدوجہدِ آزادی کو سلام پیش کرتے ہیں اور بھارت کے غاصبانہ قبضے کی شدید مذمت کرتے ہیں۔ہم کشمیریوں کی حق خود ارادیت کی اخلاقی،سفارتی اور سیاسی طور پر حمایت جاری رکھیں گے اور انشاللہ کشمیر کی آزادی کا سورج جلد طلوع ہوگا۔ چاہے ہندوستان کشمیری مسلمانوں پر جتنے بھی حربے آزمائے، ظلم اور جبر دیر تک نہیں چل سکتا کشمیری جلد اپنے مقصد میں کامیاب ہوں ۔