این اے 129 ضمنی الیکشن، طاہرہ جالب سمیت 25 امیدواروں کے کاغذات نامزدگی جمع

حبیب جالب کی صاحبزادی نے پاکستان پیپلز پارٹی کی جانب سے الیکشن میں حصہ لینے کا فیصلہ کیا ہے

بدھ 6 اگست 2025 20:35

لاہور(اُردو پوائنٹ اخبارتازہ ترین - این این آئی۔ 06 اگست2025ء) قومی اسمبلی کے حلقہ این اے 129 میں ضمنی الیکشن کے لیے کاغذات نامزدگی جمع کرانے کا عمل مکمل ہوگیا۔ریٹرننگ آفیسر کے مطابق این اے 129 میں ضمنی الیکشن کے لیے 25 امیدواروں نے کاغذات نامزدگی جمع کرائے ہیں اور معروف شاعر حبیب جالب کی صاحبزادی طاہرہ جالب نے بھی پاکستان پیپلز پارٹی کی جانب سے الیکشن میں حصہ لینے کا فیصلہ کیا ہے۔

طاہرہ جالب کے تجویز کنندگان میں پی پی پی رہنما فیصل میر شامل ہیں۔

(جاری ہے)

دیگر امیدواروں میں مسلم لیگ (ن)کے حافظ نعمان اور رانا مشہود، پاکستان تحریک انصاف کے حماد اظہر اور میاں اویس انجم جبکہ پیپلز پارٹی کے آصف ناگرہ نے بھی کاغذات جمع کرائے ہیں۔ریٹرننگ آفیسر کے مطابق امیدواروں کی عبوری فہرست آج ( جمعرات)کو آویزاں کی جائے گی جبکہ کاغذات کی جانچ پڑتال کا عمل 8 اگست سے شروع ہوگا۔الیکشن کمیشن آف پاکستان کی جانب سے جاری کردہ شیڈول کے مطابق این اے 129 میں ضمنی الیکشن 18 ستمبر کو منعقد ہوگا۔اس سے قبل حماد اظہر کے کاغذات نامزدگی پر اعتراض سامنے آیا تھا جسے دور کرنے کے بعد کاغذات جمع کر لئے گئے ۔