امیر مقام سے بونیر جرگہ وفد کی ملاقات،تمباکو کاشت ،ماربل انڈسٹری کو درپیش بجلی مسائل سے آگاہ کیا

وفاقی وزیر کی جرگے ارکان کو مسائل متعلقہ وفاقی وزرا اور حکام کیساتھ اٹھانے کی یقین دہانی

بدھ 6 اگست 2025 21:00

اسلام آباد (اُردو پوائنٹ اخبارتازہ ترین - این این آئی۔ 06 اگست2025ء)وفاقی وزیر برائے امور کشمیر، گلگت بلتستان اور سیفران انجینئر امیر مقام سے تمام سیاسی جماعتوں کے مقامی رہنمائوں،ماربل انڈسٹری اور کسان برادری کے نمائندوں پر مشتمل بونیر جرگہ وفد نے ملاقات کی۔یہاں جاری بیان کے مطابق جرگہ کے ارکان نے وفاقی وزیر کو تمباکو کے کاشتکاروں اور ماربل انڈسٹری کو درپیش بجلی کے مسائل سے آگاہ کیا۔

وفاقی وزیر انجینئر امیر مقام نے جرگہ کے ارکان کو یقین دلایا کہ وہ ان مسائل کو متعلقہ وفاقی وزرا اور حکام کے ساتھ اٹھائیں گے۔

(جاری ہے)

صدر ضلع بونیر مسلم لیگ(ن)سالار خان، کی قیادت میں آنے والے جرگہ میں میاں سید لائق باچا، خورشید خان (ماربل فیکٹری یونین)، سوات ڈویژن کے نائب صدر مسلم لیگ (ن) سید ناصر عباس باچا،تحصیل صدر نقیب خان باچا، نام باد خان،ضلعی انفارمیشن سیکرٹری مسلم لیگ(ن)، جماعت اسلامی کے امیر انجینئر ناصر علی، قومی وطن پارٹی کے حمید الرحمان، سردار جان اور اے این پی کے انور خان، سابق ایم پی اے گورال سورن لال، جنرل سیکرٹری یوتھ ونگ سید زاہد شاہ ایڈووکیٹ، عثمان خان، سید بہادر خان، نعیم الدین ایڈووکیٹ، جے یو آئی کے امیر مفتی فضل غفور، اے این پی کے فاروق، سید سر بلی خان، ذیشان خان اور محمد زادہ شامل تھے۔