س*5 روز قبل آئی جی پولیس ریٹائر ہونے کے باوجود نیا آئی جی تعینات نہ ہوسکا

جمعرات 7 اگست 2025 23:40

۳ کوئٹہ (اُردو پوائنٹ اخبارتازہ ترین - آن لائن۔ 07 اگست2025ء) وفاق اور وفاقی حکومت کی غیر سنجیدگی اور بلوچستان کے ساتھ نا مناسب رویہ روا رکھتے ہوئے 5 روز گزرنے کے باوجود آئی جی پولیس بلوچستان کے ریٹائر ہونے کے بعد نئے آئی جی پولیس کی تعیناتی نہ ہوسکی آدھے پاکستان کے رقبے کے پر محیط صوبہ بغیر آئی جی کے سنگین حالات میں پولیس کے آفیسران اور جوان فرائض سر انجام دے رہے ہیں جبکہ وفاقی حکومت نے ہمیشہ بلوچستان کو ہر لحاظ سے نظر انداز کیا ہے اور صوبے کو انتظامی اور حکومتی امور سمیت عوام کو درپیش مسائل سے چھٹکارا دلانے ، وسائل کی فراہمی میں عدم دلچسپی دکھائی گئی 3 اگست کو آئی جی پولیس بلوچستان معظم جاہ انصاری عمر کی بالائی حد 60 سال پوری ہونے پر آئی جی پولیس بلوچستان کے عہدے سے ریٹائر ہوچکے ہیں۔

(جاری ہے)

جس کے بعد آئی جی پولیس کی ذمہ داریاں ایڈیشنل آئی جی سعید وزیر نبھارہے ہیں جبکہ وفاقی حکومت کی جانب سے پانچ روز گزرنے کے باوجود بلوچستان جوکہ بغیر آئی جی پولیس کے فورس بغیر کمانڈر اپنی ذمہ داری نبھارہی ہے اور وفاقی حکومت کی غیر ذمہ داری کا یہ عالم ہے کہ پانچ روز گزرنے کے باوجود بلوچستان پولیس کا آئی جی تعینات نہیں کیا گیا اور نہ ہی کسی آفیسر کا نوٹیفکیشن جاری کیا گیا ہے جبکہ وفاقی حکومت اور وفاق میں بیٹھے ہوئے ارباب اختیار بلوچستان کے وسائل پر اپنا حق جتاتے ہیں لیکن صوبے اور عوام کو اس کے حقوق کی فراہمیں لیت و لعل سے کام لیتے ہیں جس کی وجہ سے بلوچستان کے لوگوں میں شدید تحفظات پائے جاتے ہیں