بالی وڈ کی معروف اداکارہ کا کزن پارکنگ تنازع پر قتل

یہ افسوسناک واقعہ دہلی کے علاقے نظام الدین میں پیش آیا،دو بھائی گرفتار

جمعہ 8 اگست 2025 11:00

ممبئی (اُردو پوائنٹ اخبارتازہ ترین - این این آئی۔ 08 اگست2025ء)بالی وڈ کی نامور اور خوبرو اداکارہ ہما قریشی کے کزن کو پارکنگ کے اوپر ہونے والے تنازع پر قتل کردیا گیا۔بھارتی میڈیا رپورٹس کے مطابق افسوسناک واقعہ دہلی کے علاقے نظام الدین میں پیش آیا۔

(جاری ہے)

بھارتی میڈیا کا بتانا ہیکہ رات 11 بجے ایک مارکیٹ کی پارکنگ میں ہما کے کزن آصف قریشی کو مبینہ طور پر ملزمان نے اس وقت تشدد کا نشانا بنایا جب آصف نے اپنے گیٹ کے قریب کھڑا اسکوٹر ان سے ہٹانے کو کہا۔

آصف کے گھر والوں نے الزام عائد کیا کہ مقتول پر کسی بھاری چیز سے حملہ کیا گیا جس کے بعد وہ زخمی ہوگئے، بعدازاں انہیں فوری طور پر اسپتال لے جایا گیا جہاں انہیں مردہ قرار دیا گیا۔پولیس کے مطابق اسی سلسلے میں دو بھائیوں اجول اور گوتم کو گرفتار کیا گیا ہے، اجول نے مقتول پر حملے کا آغاز کیا تھا۔