لاہورسمیت پنجاب کے بیشتر علا قوں میں تیز ہوائوں و گرج چمک کے ساتھ بارش کا امکان ہے ، محکمہ موسمیات

ہفتہ 9 اگست 2025 18:20

لاہور (اُردو پوائنٹ اخبارتازہ ترین - اے پی پی۔ 09 اگست2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران لاہور سمیت پنجاب کے شمال مشرقی علاقوں میں چند مقامات پر تیز ہوائوں،آندھی اور گرج چمک کے ساتھ بارش کا امکان تاہم دیگر اضلاع میں موسم زیادہ تر گرم و مرطوب رہنے کی توقع ہے۔

(جاری ہے)

ترجمان محکمہ موسمیات کے مطابق آئندہ چوبیس گھنٹوں کے دوران لاہور سمیت پنجاب کے بیشتر اضلاع خوشاب، گجرات، گوجرانوالہ، سیالکوٹ اور نارووال کے گردونواح میں بارش کا امکان جبکہ دیگر علاقوں میں موسم زیادہ تر گرم و مرطوب رہنے کی توقع ہے ۔

ترجمان کے مطابق گذشتہ چوبیس گھنٹوں کے دوران لاہور سمیت پنجاب کے متعدد علاقوں میں تیز ہوائوں،آندھی اور گرج چمک کے ساتھ بارش ہوئی۔لاہور میں کم سے کم درجہ حرارت28 اور زیادہ سے زیادہ36 سینٹی گریڈ ریکارڈ کیا گیا جبکہ ہوا میں نمی کا تناسب59 فیصدرہا۔لا ہور میں آلودگی کی مجموعی شرح 79 فیصد رہی جبکہ شہر کے مختلف علاقوں ڈائمنڈ پینٹس129،یو ایم ٹی 105، ایف ایف پاکستان 97،پاکستان انجینئرنگ سروسز107 اورایس او ایس ویلج میں 127 ایئر کوالٹی انڈیکس ریکارڈ کیا گیا۔