ایران کے سرمایہ کار و صنعتکار پاکستانی سرمایہ کاروں کے ساتھ جوائنٹ وینچر کے لئے بھی ہمہ وقت تیار ہیں ، ایرانی قونصل جنرل

کوئٹہ (اُردو پوائنٹ اخبارتازہ ترین - آن لائن۔ 09 اگست2025ء) کوئٹہ میں متعین قونصل ایران کے قونصل جنرل علی رضا رجائی اور زاہدان چیمبر آف کامرس اینڈ انڈسٹری کے صدر عبد الحکیم ریکی نے بلوچستان کے صنعتکاروں اور بزنس کمیونٹی کو میرجاواہ کے بازارچہ فری ٹریڈ زون میں سرمایہ کاری کی دعوت دیتے ہوئے کہاہے کہ اس بابت ایران کے سرمایہ کار و صنعتکار پاکستانی سرمایہ کاروں کے ساتھ جوائنٹ وینچر کے لئے بھی ہمہ وقت تیار ہیں پاکستان اور ایران کے مابین مقررہ تجارتی اہداف 10ارب ڈالر کا حصول باہمی تعاون میں پنہاں ہے۔

کوئٹہ سے براستہ مشہد زاہدان تک فلائی سروس کی بحالی پر بلوچستان کی بزنس کمیونٹی مبارکباد کی مستحق ہیں۔ان خیالات کا اظہار انہوں نے گزشتہ روز ایوان صنعت و تجارت کوئٹہ بلوچستان،سمال چیمبر آف کامرس اینڈسمال انڈسٹریز،پاک ایران چیمبر آف کامرس کے عہدیداران و ممبران سے اظہار خیال کرتے ہوئے کیا۔

(جاری ہے)

اس سے قبل چیمبر آف کامرس اینڈ انڈسٹری کوئٹہ بلوچستان کے صدر حاجی محمد ایوب مریانی،نائب صدر انجینئر میر وائس خان کاکڑ کا کہنا تھا کہ ایوان صنعت و تجارت کوئٹہ بلوچستان روز اول سے ہمسائیہ ممالک کے ساتھ برادرانہ تجارتی تعلقات کے فروغ اور استحکام کیلئے کوشاں ہیں ہم سمجھتے ہیں کہ پاکستان اور ایران کو دوطرفہ طور پر ٹرانسپورٹ کے مسائل کے حل ساتھ ساتھ ایک دوسرے کے درآمدی مال پر عائد ٹیرف میں کمی کرنی چاہیے تاکہ دوطرفہ تجارتی اہداف کا حصول ممکن ہو سکیاور جاری تجارت مزید فروغ پائے۔

انہوں نے کہا کہ ایرانی وفد میں شامل قونصلیٹ کے حکام اور بزنس کمیونٹی کے عہدیداران ہمارے مہمان ہی نہیں دوست اور بھائی بھی ہے،انہوں نے دوطرفہ گڈز ٹرانسپورٹ کے مسائل کے حل کیلئے دوطرفہ کمیٹی تشکیل دینے کی بھی تجویز دی اور کہا کہ کمیٹی میں چیمبر آف کامرس اینڈ انڈسٹری کے نمائندوں سمیت این ایل سی اور دونوں ممالک کے وزارت ٹرانسپورٹ کے حکام کو بھی شامل کیا جانا چاہیے،انہوں نے کہا کہ تجارتی مسائل کے حل سے دونوں ممالک کے لوگوں کو باعزت روزگار میسر آئے گا اور ان کی طرز زندگی میں بہتری آئے گی۔

انہوں نے کوئٹہ زاہدان فلائٹ آپریشن کے سلسلے میں ایران کے قونصل جنرل کے کردار کو بھی سراہا۔اس موقع پر ایران کے قونصل جنرل علی رضا رجائی، زاہدان چیمبر آف کامرس اینڈ انڈسٹری کے صدر عبد الحکیم ریگی ودیگر نے بلوچستان کی بزنس کمیونٹی اور سرمایہ کاروں کو دعوت دی کہ وہ ایران کے میرجاواہ کے علاقے بازارچہ میں فری ٹریڈ زون میں صنعتیں لگائے بلکہ اس سلسلے میں ایرانی سرمایہ کار ان کے ساتھ جوائنٹ وینچر کے لئے بھی ہمہ وقت تیار ہیں۔

انہوں نے حال ہی میں اسلام آباد میں پاکستان اور ایران کے حکام کے مابین دوطرفہ تجارت کو 10 ارب ڈالر تک بڑھانے و دیگر معاہدوں پر اطمینان کا اظہار کیا اور کہا کہ تجارتی اہداف کا حصول باہمی تعاون کے ذریعے ہی ممکن ہے اس سلسلے میں سب سے کلیدی کردار چیمبرز اور بزنس کمیونٹی کا ہے انہوں نے کہا کہ پاکستان،ایران اور افغانستان کے جغرافیہ الگ الگ مگر مفادات ایک ہیں ہم سب کو مل کر تجارت کی راہ میں حائل رکاوٹوں کو ختم کرنا ہوگا دونوں ممالک کے حکام کے معاہدے نیگ شگون ہے مگر ان معاہدوں پر عمل درآمد چیمبرز اور بزنس کمیونٹی کے تعاون کے بغیر ممکن نہیں انہوں نے کوئٹہ زاہدان فلائی سروس کی بحالی پر بلوچستان کی بزنس کمیونٹی کو مبارکباد پیش کی اور کہا کہ اس سلسلے میں چیمبر آف کامرس اینڈ انڈسٹری کوئٹہ بلوچستان کے عہدیداران اور سینیٹ کی اسٹینڈنگ کمیٹی برائے خزانہ و تجارت کے چیئرمینوں سلیم مانڈی والا اور محترمہ انوشہ رحمان کا کردار قابل ستائش ہیں انہوں نے کہا کہ سرکاری سطح کے علاوہ دونوں ممالک کی بزنس کمیونٹی کو نجی سطح پر دوطرفہ تجارت کو فروغ دینے کیلئے کردار ادا کرنے کی ضرورت ہے انہوں نے چیمبر آف کامرس اینڈ انڈسٹری کوئٹہ بلوچستان کے صدر حاجی محمد ایوب مریانی کی جانب سے ٹرانسپورٹ کے مسائل کے حل کیلئے کمیٹی تشکیل دینے کی تجویز سے اتفاق کیا اور اس بابت رضامندی ظاہر کی۔

اس موقع پر سمال چیمبر اینڈ سمال انڈسٹری کوئٹہ،پاک ایران چیمبر کے عہدیداران بھی ۔