فیصل آباد، یوم آزادی کے موقع پر تمام مساجد میں قرآن خوانی کی خصوصی محافل کا اعلان

پیر 11 اگست 2025 13:19

فیصل آباد (اُردو پوائنٹ اخبارتازہ ترین - اے پی پی۔ 11 اگست2025ء) محکمہ اوقاف و مذہبی امورنے جمعرات کو یوم آزادی پاکستان کے موقع پر تمام مساجد میں قرآن خوانی کی خصوصی محافل کے انعقاد کا اعلان کیا ہے اور کہا ہے کہ یوم آزادی کے مبارک موقع پر تمام مساجد میں نماز فجر کے بعد قرآن خوانی کی خصوصی تقریبات منعقد کی جائیں گی اور اس موقع پر وطن عزیز کی سلامتی، ملکی استحکام، اندرونی و بیرونی خلفشار سے نجات، جغرافیائی و نظریاتی سرحدوں کی حفاظت، قدرتی آفات، ناگہانی حادثات، افسوسناک سانحات سے بچاؤ، اتحاد بین المسلمین، بین المذاہب ہم آہنگی، اخوت و یگانگت، بھائی چارے کی فضاکے فروغ، انتہا پسندی، دہشت گردی سے نجات، عوامی خوشحالی، قومی فلاح، علاقائی تعمیر و ترقی، امن و امان کیلئے خصوصی دعائیں مانگی جائیں گی۔

(جاری ہے)

محکمہ اوقاف فیصل آباد ریجن کے ترجمان نے بتایا کہ یوم آزادی کے موقع پر شہدائے تحریک پاکستان کو خراج عقیدت، غازیوں کو خراج تحسین پیش کرنے کے علاوہ وطن عزیز کی سا لمیت کیلئے قیمتی جانوں کا نذرا نہ پیش کرنے والوں سے اظہار یکجہتی بھی کیا جائے گا۔