Sجشن آزادی معرکہ حق،عزم واستقلال کے 78 سال

چنیوٹ(اُردو پوائنٹ اخبارتازہ ترین - آن لائن۔ 12 اگست2025ء)جشن آزادی معرکہ حق،عزم واستقلال کے 78 سال۔ضلعی انتظامیہ چنیوٹ اور پاک آرمی کے اشتراک سے ہاکی سٹیڈیم میں جشن آزادی کی شایان شان اورپروقار تقریب کا انعقادکیا گیا۔لیفٹیننٹ کرنل جنید احمد،ڈپٹی کمشنر صفی اللہ گوندل،ڈی پی او عبداللہ احمد،ارکان صوبائی اسمبلی سید ذوالفقار علی شاہ،مولانا محمد الیاس چنیوٹی،پاک آرمی کے دیگر افسران،ضلعی انتظامیہ کے افسران کے علاوہ شہداء کی فیملیز،تاجرحضرات،میڈیا نمائندگان،اساتذہ،طالب علم اور سول سوسائٹی نے بھرپور شرکت کی۔

تقریب کے دوران ملک علی انس نے ملی نغمہ اے وطن پیارے وطن پاک وطن اے میرے پیارے وطن گایا۔علاوہ ازیں رسہ کشی کا تگڑا ٹاکراہوا اسی طرح چنیوٹ کبڈی کلب اور لنگرانہ کی ٹیموں کے مابین کبڈی کا کانٹے دار مقابلہ ہوا۔

(جاری ہے)

کمنٹیٹر نے کبڈی کے روایتی کھیل کی پنجابی زبان میں کمنٹری کرکے حاضرین کو متحرک رکھا۔تقریب کے دوران طالب علموں نے ملی نغمے پیش کئے۔

شرکاء نیقومی پرچم تھام رکھے تھے۔مہمانان خصوصی نیمیدان میں جاکرکبڈی کے کھلاڑیوں کی حوصلہ افزائی کی جبکہ طالب علموں کی تیارکردہ پینٹنگز دیکھیں اور گہری دلچسپی کا اظہار کیا۔ڈپٹی کمشنر،لیفٹیننٹ کرنل اور دیگر نے مختلف مقابلوں کے پوزیشن ہولڈرز میں انعامات اورمختلف سماجی شعبوں میں بیمثال خدمات انجام دینے والوں میں اعزازی شیلڈز بھی تقسیم کئے گئے۔

ڈپٹی کمشنر نے کہا کہ جشن آزادی تقریبات زوروشور سے 14 اگست تک جاری رہیں گی۔دریں اثنائجشن آزادی معرکہ حق تقریبات کے سلسلے میں ضلعی انتظامیہ کے زیراہتمام ہاکی سٹیڈیم چنیوٹ میں جشن آزادی کی رنگارنگ تقریب منعقد ہوئی جس میں قومی سطح کے گلوکار حمیرا ارشد اور رمضان جانی نے وطن سے محبت کے قومی نغمیپیش کئے۔فیملیز کا سمندر ہاکی سٹیڈیم امنڈ آیا۔

ضلعی انتظامیہ نے فیملیز کے لئے خصوصی انتظامات کئے۔فیملیزکی شرکت نے جشن آزادی کی تقریب کو چارچاند لگادیئے۔ڈپٹی کمشنرصفی اللہ گوندل نے تقریب میں شرکت کی جبکہ ضلعی افسران بھی موجود تھے۔شہری جشن آزادی تقریبات سے بھرپور لطف اندوز ہوئے۔بھارت کو جنگ میں یادگار شکست نے جشن آزادی کی خوشیوں کو دوبالا کردیاہے۔ضلعی انتظامیہ نیشہریوں کو تفریح کی فراہمی کے لئے آئندہ بھی اقدامات جاری رکھنے کا عزم کیا۔شہریوں نے تالیاں بجاکر ڈپٹی کمشنر کا شکریہ ادااوربہترین انتظامات پر ضلعی انتظامیہ کو خراج تحسین پیش کیا۔شرکاء نے پاکستان زندہ باد پاکستان فوج زندہ باد کے فلک شگاف نعرے بھی لگائے۔