معرکہ حق، حصول آزادی سے تحفظ آزادی تک کا سفر

بدھ 13 اگست 2025 16:16

اسلام آباد (اُردو پوائنٹ اخبارتازہ ترین - اے پی پی۔ 13 اگست2025ء) کشمیری عوام نے کہا ہے کہ معرکہ حق ،حصول آزادی سے تحفظ آزادی تک کا سفر ہے، جب بھی دشمن نے للکارا، ہم نے خود کو سب سے پہلے قربان کر کے پاکستان کا دفاع کیا، ہم پاکستان اور اس کی وفا کے محافظ ہیں۔

(جاری ہے)

آزاد کشمیر کی غیور قوم نے معرکہ حق یوم آزادی کے موقع پر وطن سے محبت کا شاندار اظہار کرتے ہوئے اپنے تاثرات میں کہا ہے کہ شہیدوں کا خون ہی پاکستان کی آزادی اور بقا کا ضامن ہے، ہم اپنی سرزمین کی سرحدوں کے امین اور محافظ ہیں، ہمارے لبوں پر ہمیشہ اپنے وطن کی وفا اور عظمت کے نغمے گونجتے ہیں۔

انہوں نے کہا کہ ہم پاکستان اور اس کی وفا کے محافظ ہیں، سخت موسم ہوں یا مشکلات کے طوفان، ہمارے حوصلے بلند اور ارادے چٹان کی مانند ہیں، جب بھی دشمن نے للکارا، ہم نے خود کو سب سے پہلے قربان کر کے پاکستان کا دفاع کیا۔کشمیری عوام نے اس فخر کا اظہار کرتے ہوئے کہا کہ ہم اس جنگ کا حصہ ہیں جس کے دوران معرکہ حق میں ہماری جیت ہوئی ہے۔ انہوں نے کہا کہ آزادی کی یہ نعمت کشمیریوں کی قربانیوں اور بے مثال وفا کی یادگار ہے، پاکستان اور کشمیر کا رشتہ خون، ایمان اور قربانی سے ہمیشہ جڑا رہے گا۔

Facebook Twitter Google + Share on Whatsapp

معرکہ حق، حصول آزادی سے تحفظ آزادی تک کا سفر

متعلقہ عنوان :

مزید قومی خبریں