الحمد اللہ رب العالمین!قوم کو 78واں یوم آزادی مبارک

آزادسرزمین میں باوقار زندگی گزرنے کا موقع ملنے پر اللہ کریم کا شکر ادا کرتے ہیں‘ مریم نواز شریف معرکہ حق میں کامیابی سے سرفراز ہونے پر اللہ تعالیٰ کا شکرادا کرتے ہیں،پاکستان ایک روشن چراغ ہے جس کی لو سے دنیا چمک رہی ہے

جمعہ 15 اگست 2025 05:10

لاہور (اُردو پوائنٹ اخبارتازہ ترین - این این آئی۔ 15 اگست2025ء) وزیراعلی پنجاب مریم نوازشریف نے کہاہے کہ ’’پاکستان ہمیشہ زندہ آباد‘‘-الحمد اللہ رب العالمین!قوم کو 78واں یوم آزادی مبارک ہو۔وزیراعلیٰ مریم نواز شریف نے جشن آزادی پر پُرتشکراپنے پیغام میں کہاہے کہ پاکستان جیسی بے مثال سرزمین عطا کرنے پر اللہ کریم کا شکر بجا لاتے ہیں۔ آزادسرزمین میں باوقار زندگی گزرنے کا موقع ملنے پر اللہ کریم کا شکر ادا کرتے ہیں۔

وزیراعلی مریم نواز شریف نے کہاکہ دنیائے اسلام کی پہلی ایٹمی طاقت بننے پر بے حد فخر ہے اور پھر شکر ادا کرتے ہیں۔ معرکہ حق میں کامیابی سے سرفراز ہونے پر اللہ تعالیٰ کا شکرادا کرتے ہیں۔ پاکستان ایک روشن چراغ ہے جس کی لو سے دنیا چمک رہی ہے۔ وزیراعلی مریم نواز شریف نے کہاکہ پاکستان ہماری آن، بان، شان ہے، پاکستان کے بغیر ہم کچھ بھی نہیں۔

(جاری ہے)

یوم آزادی پر علامہ اقبال، قائد اعظم اور ان کے رفقاء کار کو خراج تحسین پیش کرتے ہیں۔ ہم آزادی کا دن مناتے ہوئے لاکھوں شہداء کو کیسے بھول سکتے ہیں۔ وزیراعلی مریم نواز شریف نے کہاکہ یوم آزادی پر ہمیں بحیثیت پاکستانی اپنا احتساب کرنا ہوگا، پاکستان نے ہمیں عزت اور آزادی دی ہم نے ملک کو کیا دیا خوشی ہے کہ قوم جاگ رہی ہے، سرحدوں پر جوان جاگ رہے ہیں۔

وزیراعلی مریم نواز شریف نے کہاکہ والدین سے اپیل کرتی ہوں کہ آج کے دن جدوجہد آزادی اور تحفظ آزادی کی داستانیں بچوں کو ضرور سنائیں۔14اگست محض جشن آزادی نہیں بلکہ پاک سرزمین سے وفا کے عہد کی تجدید کا دن ہے۔وزیراعلی مریم نواز شریف نے کہاکہ اللہ تعالیٰ کے فضل و کرم سے آج پاکستان اقوام عالم میں سربلند ہے اور معاشی بلندیوں کی طرف گامزن ہے۔ آج کے دن وطن عزیز کو عظیم سے عظیم تر بنانے کے عزم کا اعادہ کرتے ہیں۔

Facebook Twitter Google + Share on Whatsapp

الحمد اللہ رب العالمین!قوم کو 78واں یوم آزادی مبارک

متعلقہ عنوان :

مزید قومی خبریں