کنٹرول لائن کے دونوں جانب بھارتی یوم آزادی کو یوم سیاہ کے طور پر منایا

بھارت کومقبوضہ کشمیر میں اپنا یوم آزادی منانے کا کوئی حق نہیں ہے،ایڈووکیٹ ارشد اقبال

جمعہ 15 اگست 2025 15:55

سرینگر(اُردو پوائنٹ اخبارتازہ ترین - این این آئی۔ 15 اگست2025ء) کنڑول لائن کے دونوں جانب اور دنیا بھر میں مقیم کشمیریوں نے بھارت کے یوم آزادی کو یوم سیاہ کے طور پر منایاتاکہ اپنی مادر وطن پر بھارت کے غیر قانونی قبضے کے خلاف احتجاج ریکارڈ کرایاکرایا جا سکے۔

(جاری ہے)

کشمیرمیڈیاسروس کے مطابق جموں وکشمیر ڈیموکریٹک فریڈم پارٹی کے ترجمان ایڈووکیٹ ارشد اقبال نے بھارت کو غاصب قرار دیتے ہوئے کہا ہے کہ بھارت کومقبوضہ کشمیر میں اپنا یوم آزادی منانے کا کوئی حق نہیں ہے کیونکہ اس نے لاکھوں کشمیریوں کو ان کے بنیادی حقوق سے محروم اورکشمیری عوام کی مرضی کے خلاف جموںو کشمیر پر غیر قانونی طورپر قبضہ کر رکھا ہے۔

انہوں نے کہا کہ مودی کی فسطائی بھارتی حکومت کی طرف سے مقبوضہ جموں و کشمیر کے جبری الحاق نے ایک بار پھر بھارت کی نوآبادیاتی، آمرانہ اور فسطائی ذہنیت کو بے نقاب کر دیا ہے ۔بھارتی قیادت کی طرف سے کشمیریوں کو ان کا پیدائشی حق خودارادیت دینے کے وعدوں کا حوالہ دیتے ہوئے انہوں نے افسوس ظاہر کیاکہ بھارت کشمیریوں سے کئے گئے اپنے وعدوں سے مکر گیا ہے جو اس کے قائدین نے بین الاقوامی سطح پر کشمیری عوام سے کئے تھے۔