Live Updates

خیبرپختونخوا کے سیلاب سے متاثرہ علاقوں میں مزید بارشوں کی ایڈوائرزی جاری

جمعہ 15 اگست 2025 20:05

اسلام آباد (اُردو پوائنٹ اخبارتازہ ترین - این این آئی۔ 15 اگست2025ء)نیشنل ڈیزاسٹر منیجمنٹ اتھارٹی (این ڈی ایم ای) کی جانب سے جاری تازہ ترین ایڈوائزری میں خیبر پختونخوا کے سیلاب سے متاثرہ علاقوں سمیت ملک بھر میں مزید بارشوں کی پیش گوئی کردی گئی۔این ڈی ایم اے کی ایڈوائزری کے مطابق 18 اگست سے 22 اگست تک خیبر پختونخوا میں چترال، دیر، ہری پور، کرک، کوہاٹ، کوہستان، خیبر، کرم، مانسہرہ، مہمند، نوشہرہ، مالاکنڈ، چارسدہ، ایبٹ آباد، بنوں، بونیر، ہزارہ، پشاور، صوابی، سوات، وزیرستان اور اطراف کے علاقوں میں معتدل سے تیز بارش کا امکان ہے۔

ایڈوائزری کے مطابق گلگت بلتستان اور آزاد کشمیر میں 18 سے 22 اگست کے درمیان استور، اسکردو، ہنزہ، شگر، باغ، وادی نیلم، مظفر آباد اور اطراف میں کہیں کہیں بارش متوقع ہے۔

(جاری ہے)

ین ڈی ایم اے کے مطابق 18 سے 20 اگست کے درمیان اسلام آباد، راولپنڈی، مری، گلیات، اٹک، چکوال، جہلم، میانوالی، حافظ آباد، سرگودھا، فیصل آباد، سیالکوٹ، نارووال، اوکاڑہ، لاہور، گوجرانوالہ، گجرات، ملتان، بہاولپور، بہاولنگر، رحیم یار خان اور اطراف میں معتدل سے تیز بارش متوقع ہے۔

این ڈی ایم اے کے مطابق سندھ میں 18 سے 20 اگست سے درمیان سکھر، لاڑکانہ، جیکب آباد، خیر پور، کراچی، حیدرآباد، تھر پارکر، ٹھٹہ، بدین، میرپورخاص اور اطراف میں بارشیں متوقع ہیں۔ایڈوائزری کے مطابق بلوچستان میں 18 سے 20 اگست کے درمیان زیارت، قلات، مشکیل، خضدار، آواران، بارکھان، سبی، جعفرآباد، ڈیرہ بگٹی اور اطراف میں کہیں کہیں بارشیں متوقع ہیں۔یاد رہے کہ خیبر پختونخواکے مختلف اضلاع میں کلاؤڈ برسٹ اور سیلابی ریلوں نے بڑے پیمانے پر تباہی مچا دی، مختلف حادثات میں اموات 200 سے تجاوز کرگئی ہے۔