پروین اکبر کی جانب سے لڑکی کم لڑکا زیادہ کہے جانے کے بعد صنم سعیدکا مبہم ردعمل

صنم سعید بہت اچھی اداکارہ ، لیکن نہ جانے کیوں یہ مجھے لڑکی کم لڑکا زیادہ لگتی ہیں ، پروین اکبر کا بیان

ہفتہ 16 اگست 2025 10:40

کراچی(اُردو پوائنٹ اخبارتازہ ترین - این این آئی۔ 16 اگست2025ء)پاکستان کی سینئر اداکارہ پروین اکبر کی جانب سے لڑکی کم لڑکا زیادہ کہے جانے کے بعد اداکارہ صنم سعید کا مبہم انداز میں دیا گیا ردعمل وائرل ہوگیا۔حال ہی میں ایک ٹی وی شو کے دوران پروین اکبر نے صنم سعید سے متعلق رائے دیتے ہوئے کہا تھا کہ صنم سعید بہت اچھی اداکارہ ہیں لیکن نے جانے کیوں یہ مجھے لڑکی کم لڑکا زیادہ لگتی ہیں صنم سعید مجھے ٹام بوائے جیسی لگتی ہیں ۔

پروین اکبر کے اس بیان کی ویڈیو سوشل میڈیا پر تیزی سے وائرل ہوگئی تھی جس کے بعد اب صنم سعید کی جانب سے انگریزی لفظ آنٹی اور انٹرپرینیور سے بنائے گئے نئے اصطلاحی لفظ آنٹی پرینیور کو اپنی انسٹا اسٹوری پر شیئر کیا گیا ہے۔صنم سعید کی انسٹااسٹوری میں ایک خاتون کی تصویر پر آنٹی پرینیور کے ساتھ ساتھ اس اصطلاح کا مطلب بھی درج ہے۔

(جاری ہے)

یعنی کوئی ایسی بڑی عمر کی آنٹی جو کسی دوسری عورت کی ذاتی زندگی یا کام میں مداخلت کرتی ہیں۔

اس اسٹوری سے متعلق سوشل میڈیا صارفین کہتے نظر آئے کہ صنم سعید کی اسٹوری کا رخ پروین اکبر کی طرف تھا ۔ایک صارف نے صنم کی اسٹوری پر ردعمل دیتے ہوئے لکھا کہ آنٹی کو جواب دیا ہے۔نوش مغل نامی صارف نے لکھا کہ آنٹی کو فضول رائے نہیں دینی تھی صنم سعید بہت گریس فل ہیں۔ایک صارف نے لکھا آنٹی اس اسٹوری سے جل جائیں گی ۔ثنا نامی صارف نے لکھا کہ بہترین جواب ، مجھے پتا ہے یہ جواب کس کو دیا گیا۔