Live Updates

محکمہ موسمیات نے مون سون کی شدت بڑھنے کی پیش گوئی کر دی

اتوار سے 22اگست تک ملک بھر میں بارشیں ہوں گی ،برساتی نالوں میں طغیانی کا خدشہ

ہفتہ 16 اگست 2025 23:57

لاہور(اُردو پوائنٹ اخبارتازہ ترین - این این آئی۔ 16 اگست2025ء)محکمہ موسمیات نے مون سون کی شدت بڑھنے کی پیش گوئی کر دی،آج اتوار سے 19اگست تک کشمیر، گلگت بلتستان اور خیبرپختونخوا ہ کے مختلف علاقوں میں بارشوں کا امکان ہے، اسلام آباد، مری، گلیات اور پنجاب کے کئی شہروں میں بھی بارش متوقع ہے۔محکمہ موسمیات کے مطابق 18سے 20اگست تک جنوبی پنجاب اور 17سے 22اگست تک کراچی سمیت سندھ کے مختلف حصوں میں بارشیں ہوں گی۔

(جاری ہے)

بلوچستان میں بھی 17سے 20اگست کے دوران بارش کا امکان ہے۔ بارشوں کے نتیجے میں چترال، دیر، سوات اور شانگلہ سمیت کئی برساتی نالوں میں طغیانی کا خدشہ ظاہر کر دیا گیا۔ اسلام آباد، راولپنڈی، شمال مشرقی پنجاب اور کشمیر کے برساتی نالوں میں بھی طغیانی کا خطرہ ہے۔ محکمہ موسمیات نے خبردار کیا ہے کہ بارشوں سے سندھ، پنجاب اور خیبرپختونخوا ہ کے نشیبی علاقے زیر آب آسکتے ہیں جبکہ ملک کے بالائی علاقوں میں لینڈ سلائیڈنگ کا بھی امکان ہے۔