مسلم لیگ ن میں شمولیت اختیار کرنے والوں کو کبھی مایوس نہیں کریں گے،شیخ آفتاب

اتوار 17 اگست 2025 16:40

حضرو (اُردو پوائنٹ اخبارتازہ ترین - اے پی پی۔ 17 اگست2025ء) رکن قومی اسمبلی شیخ آفتاب احمد نے کہا ہے کہ مسلم لیگ ن میں شمولیت اختیار کرنے والوں کو کبھی مایوس نہیں کریں گے ہماری سیاست کا مقصد ہی حلقے کے عوام کے مسائل حل کرنے کی ہے۔

(جاری ہے)

ان خیالات کا اظہار انہوں نے بڑی تعداد میں تحریک انصاف چھوڑ کر مسلم لیگ ن میں شمولیت کے موقع پر عوامی اجتماع سے خطاب کرتے ہوئے کیابعد ازاں سابق کونسلر ملک امجد اعوان کی طرف سے عشائیہ دیا گیا جس میں سابق ایم پی اے پی پی 2 سردار افتخار احمد خان،حاجی رفاقت علی، ملک عابد شہزاد جنرل سیکرٹری پی پی 2، سیٹھ ملک قاسم، شیخ اجمل محمود، طلال بٹ، ، حاجی احسان، ، بھولا سیٹھ، محمد ارشد بیگ کے علاوہ بڑی تعداد میں معززین علاقہ اور پارٹی کارکنان موجود تھے شیخ آفتاب احمد نے کہا کہ پی ٹی آئی کی قیادت نے ہمیشہ نفرت کی سیاست کی اور ملک کی ترقی میں روکاوٹ ڈالنے میں بھی کوئی کسر نہیں چھوڑی مسلم لیگ ن کی حکومت جب بھی اقتدار میں آئی ملک کے مسائل حل کرنے کی بھرپور کوشش کی گئی یہی وجہ ہےکہ جب مسلم لیگ ن کو اقتدار منتقل ہوا تو ملک میں ترقی کا نظام جام ہو چکا تھا میاں محمد شہباز شریف کی حکومت کی کامیاب پالیسیوں کی وجہ سے ملک ایک بار پھر ترقی کی جانب گامزن ہے یہی وجہ ہے آج حلقہ این اے 49 میں ترقیاتی کاموں اور سڑکوں کے جال بچھائے جا رہے ہیں انہوں نے کہا میاں محمد نواز شریف نے تمام تر دباؤ کے باوجود ملک کو ایٹمی قوت بنایا تھا یہی وجہ ہے حالیہ پاک بھارت جنگ میں پاکستان کا نام روشن کرنے والے پاک افواج کے پاس اٹیم بم بھی تھا جس کا کریڈٹ میاں محمد نواز شریف کو جاتا ہے انہوں نے کہا پاک فوج نے ہندوستان کو عبرتناک شکست سے دوچار کرکے پاکستانی قوم کا سر فخر سے بلند کر دیا ہے شیخ آفتاب احمد نے کہا بطور رکنِ اسمبلی ہمیشہ اٹک کے عوام کے مسائل حل کرنے کی کوشش کی اور آئندہ بھی کرتے رہے گے انہوں نے کہا کہ مسلم لیگ ن میں شمولیت اختیار کرنے والوں کو کبھی مایوس نہیں کریں گے۔