{پُرائم منسٹر کرکٹ ٹیلنٹ ہنٹ ٹرائلز کا اسلام آباد میں انعقاد

اتوار 17 اگست 2025 17:15

اسلام آباد (اُردو پوائنٹ اخبارتازہ ترین - آن لائن۔ 17 اگست2025ء) وزیراعظم یوتھ پروگرام کے تحت لاہور قلندرز کے اشتراک سے ٹیلنٹ ہنٹ کرکٹ ٹرائلز اسلام آباد اور راولپنڈی میں شاندار کامیابی کے ساتھ اختتام پذیر ہوگئے، جن میں ہزاروں پرجوش نوجوان کرکٹرز نے شرکت کی۔دو روزہ ٹرائلز میں لڑکوں اور لڑکیوں نے بڑی تعداد میں اپنی کرکٹ صلاحیتیں پیش کیں۔

(جاری ہے)

اس موقع پر لاہور قلندرز کے سی ای او عاطف رانا نے اسلام آباد اور راولپنڈی کے نوجوانوں کے جوش و خروش کو سراہتے ہوئے کہا کہ ہزاروں نوجوانوں کی شرکت نے ٹرائلز کو ایک شاندار کامیابی بنا دیا ہے۔ انہوں نے ٹوئن سٹیز سے بہترین کرکٹرز کے سامنے آنے پر خوشی کا اظہار کیا اور وزیراعظم شہباز شریف، چیئرمین پرائم منسٹر یوتھ پروگرام رانا مشہود احمد خان اور ہائر ایجوکیشن کمیشن کا شکریہ ادا کیا جن کی بھرپور معاونت سے ملک گیر ٹرائلز ممکن ہوسکے۔