اسحاق ڈار نے اوورسیز پاکستانیوں کیلئے لندن میں دو نئی سہولتوں کا افتتاح کردیا

پیر 18 اگست 2025 22:45

لندن(اُردو پوائنٹ اخبارتازہ ترین - این این آئی۔ 18 اگست2025ء)اسحاق ڈار نے اوورسیز پاکستانیوں کیلئے لندن میں دو نئی سہولتوں کا افتتاح کردیا۔ترجمان دفتر خارجہ کے مطابق اوور سیز پاکستانیوں کیلئے خدمات کے حوالے سے تاریخی پیشرفت کی گئی،نائب وزیراعظم و وزیرخارجہ اسحاق ڈار نے لندن میں دو نئی سہولتوں کا افتتاح کیا۔

(جاری ہے)

دفتر خارجہ کے ترجمان نے کہا کہ برطانیہ میں مقیم پاکستانی اب بلاک چین کے ذریعے پنجاب کی اراضی کا ریکارڈ حاصل کرسکیں گے۔انہوںنے کہاکہ فرد اور دیگر لینڈ ریکارڈز تک محفوظ آن لائن رسائی ممکن بنا دی گئی ہے۔ ترجمان نے کہاکہ یہ اقدامات وزیراعظم شہباز شریف کے ڈیجیٹل پاکستان وژن کی عملی تعبیر ہیں۔