متحدہ عرب امارات میں عالمی تجارتی نمائش میں شرکت کے لئے درخواستیں کل تک جمع کرائی جا سکتی ہیں ، ٹریڈ ڈویلپمنٹ اتھارٹی

منگل 19 اگست 2025 17:36

اسلام آباد (اُردو پوائنٹ اخبارتازہ ترین - اے پی پی۔ 19 اگست2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ متحدہ عرب امارات میں9 فروری 2026ء سے شروع ہونے والی بین الاقوامی تجارتی نمائش ’’ ڈبلیو ایچ ایکس دبئی ‘‘ میں شرکت کے لئے کل (بدھ ) تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کے مطابق نمائش دبئی میں 9 فروری سے 12 فروری 2026ء تک جاری رہے گی جس میں کلینیکل ، میڈیکل مصنوعات، کمیونٹی ہیلتھ سروسز ،کنسلٹینسی، لیبارٹری کا سامان ، سرجیکل آلات اور فارماسیوٹیکل سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔