صدر مملکت آصف علی زرداری سے متحدہ عرب امارات کے سبکدوش ہونے والے سفیر حمد عبید الزعابی کی الوداعی ملاقات

منگل 19 اگست 2025 20:00

اسلام آباد (اُردو پوائنٹ اخبارتازہ ترین - اے پی پی۔ 19 اگست2025ء) صدر مملکت آصف علی زرداری سے متحدہ عرب امارات کے سبکدوش ہونے والے سفیر حمد عبید الزعابی نے ایوان صدر میں الوداعی ملاقات کی۔صدر مملکت نے پاکستان-متحدہ عرب امارات تعلقات کو مزید مستحکم کرنے پر زور دیا۔

(جاری ہے)

ایوان صدر کے پریس ونگ سے جاری بیان کے مطابق صدر مملکت نے کہا کہ پاکستان متحدہ عرب امارات کے ساتھ دیرینہ برادرانہ تعلقات کو انتہائی اہمیت دیتا ہے ۔ صدر مملکت نے سفیر حمد عبید الزعابی کی خدمات کو خراج تحسین پیش کیا اور کامیاب مدت سفارت پر مبارکباد دی۔ صدر آصف علی زرداری نے مشکل وقتوں میں پاکستان کے لئے متحدہ عرب امارات کی حمایت پر شکریہ کیا۔