uپنجاب فوڈ اتھارٹی کا 42واں بورڈ اجلاس،اہم منصوبوں کی منظوری

ٌبورڈ ممبرز نے پنجاب فوڈ اتھارٹی کی شاندار کارکردگی کو سراہا،اسی رفتار سے کام کرنے کی ہدایت ژ*سلاٹر ہائوس اور گوشت کی چیکنگ کے لیے 94ویٹرنری سپیشلسٹ بھرتی کیے جائیں گے

منگل 19 اگست 2025 20:50

لاہور (اُردو پوائنٹ اخبارتازہ ترین - آن لائن۔ 19 اگست2025ء) پنجاب فوڈ اتھارٹی کا 42واں بورڈ اجلاس سیکرٹری پرائس کنٹرول اینڈ کماڈیٹیز مینجمنٹ ڈاکٹراحسان بھٹہ کی زیر صدارت ہوا جس میں اہم منصوبوں کی منظوری دے گئی، بورڈ ممبرز کو پنجاب فوڈ اتھارٹی کی کارکردگی پر بریفنگ دی گئی، گزشتہ سالوں کی نسبت پنجاب فوڈ اتھارٹی کی کارکردگی میں واضح بہتری آئی ہے، تفصیلات کے مطابق گزشتہ سالوں کی نسبت 78فیصد کاروائیوں، 70 فیصد مقدمات میں اضافہ ہوا، بورڈ ممبرز نے پنجاب فوڈ اتھارٹی کی شاندار کارکردگی کو سراہا اور اسی رفتار سے کام کرنے کی ہدایت بھی کی، اس موقع پر پنجاب فوڈ اتھارٹی کے مالی سال 2025-26کے بجٹ کی منظوری بھی دے دی گئی، جاری کردہ تفصیلات میں ڈی جی پنجاب فوڈ اتھارٹی نے بتایا پنجاب میں مذبح خانوں کی چیکنگ پنجاب فوڈ اتھارٹی کرے گی۔

(جاری ہے)

ناقص گوشت اور غیر قانونی سلاٹرنگ پر پنجاب فوڈ اتھارٹی سخت ایکشن لے گی۔ تمام مذبح کانوں کو بین الاقوامی طرز پر بنایا جائے گا، جانوروں کا پر ی مارٹم،پوسٹ مارٹم،بیماری،ویکسینیشن ریکارڈچیکنگ کا مکمل میکانیزم تیار کیا جائے گا۔ ڈی جی فوڈاتھارٹی کا کہنا تھا سلاٹر ہاوس اور گوشت کی چیکنگ کے لیے 94ویٹرنری سپیشلسٹ بھرتی کیے جائیں گے، چیکنگ کے نظام کو مؤثر بنانے کے لیے نئی گاڑیاں سکواڈ میں شامل کی جائیں گی، نئی گاڑیوں سے تحصیل لیول تک فوڈپوائنٹس کی چیکنگ کو مزید مؤثر بنایاجائے گا