اسلام میں ریاست کا تحفظ جہاد فی سبیل اللہ کے مترادف ہے، مفتی عبدالرحیم

آئی ایس پی آر سمر انٹرن شپ 2025 کے طلبہ کی مفتی عبد الرحیم کے ساتھ خصوصی نشست

بدھ 20 اگست 2025 16:18

راولپنڈی (اُردو پوائنٹ اخبارتازہ ترین - این این آئی۔ 20 اگست2025ء)آئی ایس پی آر سمر انٹرن شپ 2025ء کے طلبہ نے چانسلر الغزالی یونیورسٹی مفتی عبد الرحیم کے ساتھ خصوصی نشست کی۔اس موقع پر مفتی عبدالرحیم نے قرآن وسنت کی روشنی میں ریاست کے تحفظ کے پیغام کو اجاگر کیا اور کہا کہ اسلام میں ریاست کا تحفظ جہاد فی سبیل اللہ کے مترادف ہے۔انہوں نے کہا کہ بلوچستان میں انتشار پھیلانے والوں کے کیخلاف ہماری نوجواں نسل متحد ہے۔

(جاری ہے)

بلوچستان کبھی پاکستان سے الگ نہیں ہو سکتا۔ پاک افواج عوام میں سے ہیں اور عوام پاک افواج سے ہیں، یہ سرحدوں پر جان کا نذرانہ دینے والے ہمارے بیٹے ہیں۔مفتی عبدالرحیم نے کہا کہ پاکستان اپنی دفاعی صلاحیت کے باعث عالمِ اسلام میں ایک نمایاں مقام رکھتا ہے۔ اِس کا واضع ثبوت معرکہ حق اور آپریشن بنیان المرصوص میں ہماری بہادر افواج کی بہترین کارکردگی ہے۔انہوں نے کہا کہ ہماری نوجواں نسل کو وطن عزیز کی اہمیت کو سمجھنا ہو گا۔ ہم سب کو ایک سیسہ پلائی دیوار کی طرح رہنا ہو گا۔