آئی ایس پی آر سمر انٹرن شپ 2025 کے طلبا کی چانسلر الغزالی یونیورسٹی مفتی عبد الرحیم کے ساتھ خصوصی نشست

بدھ 20 اگست 2025 17:15

اسلام آباد (اُردو پوائنٹ اخبارتازہ ترین - اے پی پی۔ 20 اگست2025ء) آئی ایس پی آر سمر انٹرن شپ 2025 کے طلبا کے ساتھ خصوصی نشست میں الغزالی یونیورسٹی کے چانسلر مفتی عبد الرحیم نےقرآن وسنت کی روشنی میں ریاست کے تحفظ کے پیغام کو اجاگر کرتے ہوئے کہا کہ اسلام میں ریاست کا تحفظ جہاد فی سبیل اللہ کے مترادف ہے۔ انہوں نے کہا کہ بلوچستان میں انتشار پھیلانے والوں کے کیخلاف ہماری نوجواں نسل متحد ہے،بلوچستان کبھی پاکستان سے الگ نہیں ہو سکتا۔

(جاری ہے)

انہوں نے کہا کہ پاک افواج عوام میں سے ہیں اور عوام پاک افواج سے ہیں، یہ سرحدوں پر جان کا نذرانہ دینے والے ہمارے بیٹے ہیں، پاکستان اپنی دفاعی صلاحیت کے باعث عالمِ اسلام میں ایک نمایاں مقام رکھتا ہے ۔ اِس کا واضح ثبوت معرکہ حق اور آپریشن بنیان مرصوص میں ہماری بہادر افواج کی بہترین کارکردگی ہے۔ مفتی عبدالرحیم نے کہا کہ ہماری نوجواں نسل کو وطن عزیز کی اہمیت کو سمجھنا ہو گا ۔ ہم سب کو ایک سیسہ پلائی دیوار کی طرح رہنا ہو گا۔