،ْوزیراعظم محمد شہباز شریف سے چینی کمپنی شینڈونگ زن زو (Shandong Xinxu) گروپ کارپوریشن کے وفد کی ملاقات

بدھ 20 اگست 2025 20:40

ٴاسلام آباد(اُردو پوائنٹ اخبارتازہ ترین - آن لائن۔ 20 اگست2025ء)اسلام آباد میں وزیراعظم محمد شہباز شریف سے چینی کمپنی شینڈونگ زن زو گروپ کارپوریشن کے وفد کی ملاقات ہوئی، جس کی قیادت کمپنی کے چیئرمین ہیو جیانزن (Hou Jianxin) نے کی۔ملاقات کے دوران وزیراعظم نے کہا کہ "پاکستان اور چین ہر مشکل میں ایک دوسرے کے ساتھ کھڑے رہے ہیں، اور دونوں ممالک کے تعلقات مزید مستحکم اور مضبوط ہو رہے ہیں۔

" انہوں نے یہ بھی کہا کہ پاکستان چین کے ساتھ اپنے اقتصادی تعلقات کو نئی بلندیوں تک لے جانا چاہتا ہے، اور اس مقصد کے لیے چینی صنعتوں کو پاکستان میں سرمایہ کاری کی دعوت دیتے ہیں۔وزیراعظم نے مزید کہا کہ حکومت پاکستان خصوصی اقتصادی زونز کے قیام کے لیے ہر ممکن سہولت فراہم کرے گی، تاکہ سرمایہ کاری کو فروغ دیا جا سکے۔

(جاری ہے)

چینی وفد کو بریفنگ دیتے ہوئے بتایا گیا کہ پاکستان کے شپ بریکنگ اور شپ ری سائیکلنگ کے شعبوں میں بے پناہ استعداد موجود ہے، جس سے چینی کمپنیوں کے لیے سرمایہ کاری کے نئے مواقع پیدا ہو سکتے ہیں۔

شینڈونگ گروپ کے چیئرمین ہیو جیانزن نے حکومت پاکستان کی جانب سے فراہم کی جانے والی سہولتوں پر وزیراعظم کا شکریہ ادا کیا۔ انہوں نے پاکستان میں میری ٹائم انڈسٹریل کمپلیکس کے قیام میں دلچسپی ظاہر کی اور بتایا کہ کمپنی گرین شپ بریکنگ یارڈ کی تعمیر میں سرمایہ کاری کرے گی۔اس کے علاوہ، چینی کمپنی ماہی گیری، فش پراسیسنگ اور کھجوروں کی پراسیسنگ کے شعبوں میں بھی پاکستان کی استعداد سے فائدہ اٹھانا چاہتی ہے۔ملاقات میں وفاقی وزیر برائے بحری امور جنید امور چوہدری، وزیراعظم کے مشیر ڈاکٹر توقیر شاہ اور دیگر متعلقہ اعلیٰ سرکاری افسران بھی شریک ہوئی