اپنے 17 سالہ فنی کیریئر میں کافی اتار چڑھائو دیکھے،اداکارہ بھارتی سنگھ

41 سالہ بھارتی سنگھ آج بھارت میں ٹیلیویژن کی سب سے زیادہ معاوضہ لینے والی شخصیات میں سے ایک ہیں

جمعرات 21 اگست 2025 12:28

اپنے 17 سالہ فنی کیریئر میں کافی اتار چڑھائو دیکھے،اداکارہ بھارتی سنگھ

ممبئی (اُردو پوائنٹ اخبارتازہ ترین - این این آئی۔ 21 اگست2025ء)کامیڈین، ٹیلیویژن پرسنالٹی اور بالی ووڈ اداکارہ بھارتی سنگھ نے ماضی میں اپنے ساتھ پیش آنے والے ایک پریشان کن واقعہ کا ذکر کرتے ہوئے بتایا کہ انھیں بس میں سفر کے دوران غیر مناسب انداز میں چھوا گیا۔اپنے 17 سالہ فنی کیریئر میں کافی اتار چڑھاو دیکھنے والی 41 سالہ بھارتی سنگھ آج بھارت میں ٹیلیویژن کی سب سے زیادہ معاوضہ لینے والی شخصیات میں سے ایک ہیں۔

لیکن ہمیشہ سے ایسا نہیں تھا ماضی میں جب وہ معروف نہیں ہوئی تھیں انھیں کئی مرتبہ چھوٹی موٹی نوکریاں کرنا پڑیں۔ حال ہی میں راج شامانی کے ساتھ ایک پوڈکاسٹ کے دوران انھوں نے انکشاف کیا کہ انہیں ماضی میں ایک ناخوشگوار تجربہ سے گزرنا پڑا جب انہیں نامناسب طریقے سے چھوا گیا۔

(جاری ہے)

انکا کہنا تھا کہ انھیں اس وقت نیک نیتی اور بدنیتی سے چھونے کا فرق معلوم نہیں تھا۔

اپنے کالج کے دور پر گفتگو کرتے ہوئے انھوں نے کہا وہ تین دن کا آف لے کر دوستوں کے ساتھ چھوٹے کالجز جانے کے لیے سفر کرتی تھیں۔ دوران سفر بسوں میں کافی رش ہوتا تھا اور آرام دہ سفر ممکن نہیں ہوتا تھا۔بھارتی سنگھ کے مطابق ڈھائی برس تک تو مجھے اسکا اندازہ نہ ہوا کیونکہ ایسا تو میرے ساتھ روزانہ ہوتا تھا، کوئی بھی مجھے غیر مناسب انداز میں چھو لے اور میں احمقانہ طور پر یہ سمجھتی رہی کہ وہ بس میں اپنا توازن برقرار رکھنے کے لیے مجھے پکڑ رہا ہے۔ انھوں نے کہا کہ آج کی عورت کافی تعلیم یافتہ ہے اور وہ نیک اور بد نیتی میں فرق سمجھتی ہے۔