وزیراعظم محمد شہباز شریف سے ڈاکٹر نثار چیمہ اور ذوالفقار چیمہ کی ملاقات، گوجرانوالہ کی سیاسی صورتحال پر تبادلہ خیال

جمعہ 22 اگست 2025 20:10

اسلام آباد (اُردو پوائنٹ اخبارتازہ ترین - اے پی پی۔ 22 اگست2025ء) وزیراعظم محمد شہباز شریف سے ڈاکٹر نثار چیمہ اور ذوالفقار چیمہ نے ملاقات کی ۔ جمعہ کو وزیراعظم آفس کے میڈیا ونگ سے جاری بیان کے مطابق وزیراعظم محمد شہباز شریف سے ڈاکٹر نثار چیمہ اور ذوالفقار چیمہ نے ملاقات کی اور گوجرانوالہ کی سیاسی صورتحال پر تبادلہ خیال کیا۔ اس موقع پر این۔

(جاری ہے)

66 کے ضمنی انتخاب کے حوالے سے چیمہ برادران نے پارٹی کے فیصلے کی حمایت کرنے کا اعلان کیا اور پارٹی کے نامزد امیدوار کا ساتھ دینے کی یقین دہانی کرائی۔ اس موقع پر دعائے خیر بھی کی گئی۔ وزیراعظم کے مشیر برائے بین الصوبائی رابطہ رانا ثناء اللہ خان، وفاقی وزیر اطلاعات و نشریات عطاء اللہ تارڑ، چوہدری عابد رضا، انجینئر خرم دستگیر اور مدثر قیوم ناہرا بھی اس موقع پر موجود تھے۔