پی سی بی نے 65 ویمن کرکٹرز کو ڈومیسٹک کنٹریکٹ دیدیئے

20 کھلاڑیوں کو گولڈ اور 45 کو سلور کیٹگری میں شامل کیا گیا‘مدت جولائی 2025ء تا جون 2026ء مقرر

جمعرات 28 اگست 2025 23:47

لاہور(اُردو پوائنٹ اخبارتازہ ترین - این این آئی۔ 28 اگست2025ء)پاکستان کرکٹ بورڈ (پی سی بی) نے 65 ویمن کرکٹرز کو ڈومیسٹک کنٹریکٹ دے دیے۔پی سی بی کی جانب سے 20 کھلاڑیوں کو گولڈ اور 45 کو سلور کیٹگری میں شامل کیا گیا ہے۔ کنٹریکٹس کی مدت جولائی 2025ء تا جون 2026ء مقرر کی گئی ہے۔

(جاری ہے)

65 کھلاڑیوں میں 6 انٹرنیشنل، 23 انڈر اور 19 ایمرجنگ کھلاڑی شامل ہیں۔ان کرکٹڑز کا انتخاب نیشنل وویمنز سلیکشن کمیٹی کے ممبران اسد شفیق اور بتول فاطمہ نے کیا۔ جس میں کارکردگی، ٹیلنٹ اور پوٹینشل کو مدنظر رکھا گیا ہے۔اس حوالے سے پی سی بی کی جانب سے کیا گیا ہے کہ مزید کھلاڑی اچھی پرفارمنس سے کنٹریکٹ حاصل کر سکیں گی۔