گورنر سندھ کی اسپیشل ویٹ لفٹنگ چیمپئن مصطفیٰ علی سے ملاقات

جمعرات 28 اگست 2025 23:43

کراچی(اُردو پوائنٹ اخبارتازہ ترین - این این آئی۔ 28 اگست2025ء) گورنر سندھ کامران خان ٹیسوری سے اسپیشل انٹرنیشنل ویٹ لفٹنگ چیمپئن اور گولڈ میڈلسٹ مصطفیٰ علی نے گورنر ہاؤس میں خصوصی ملاقات کی۔ اس موقع پر گورنر سندھ نے مصطفیٰ علی کو شاندار کامیابی پر مبارکباد دی ، شیلڈ اور انعام سے نوازا۔

(جاری ہے)

گورنر کامران خان ٹیسوری نے کہا کہ اسپیشل کھلاڑی بھی پاکستان کا نام دنیا بھر میں روشن کر رہے ہیں، اور ان کی بھرپور حوصلہ افزائی جاری رکھی جائے گی۔ انہوں نے مزید کہا کہ کھیل اور کھلاڑیوں کے فروغ کے لیے ہر ممکن اقدامات کیے جائیں گے تاکہ نوجوانوں کو مثبت سرگرمیوں کی طرف راغب کیا جا سکے۔