ڈی پی او سوات کی زیرصدارت اجلاس، جرائم کی روک تھام، پولیو ٹیم کی سکیورٹی اور ٹریفک کی بلاتعطل روانی کا جائزہ

پشاور (اُردو پوائنٹ اخبارتازہ ترین - اے پی پی۔ 29 اگست2025ء) ڈسٹرکٹ پولیس آفیسر سوات محمد عمر خان کی سربراہی میں کرائم اور انٹریس مقدمات کے حوالے سے اجلاس منعقد ہوا۔تر جمان سوات پولیس کے مطابق پولیس افسران کی کارکردگی، زیر تفتیش مقدمات اور آن ٹریس مقدمات پر تفصیلی تبادلہ خیال کیا گیا۔اجلاس میں ایڈیشنل ایس پی سوات غلام صادق خان، ایس پی اپر سوات شوکت علی، ایس پی سی ٹی ڈی پیر زربادشاہ اور ڈی ایس پی ہیڈ کوارٹر زیراب گل سمیت تمام ایس ڈی پی اوز اور ایس ایچ اوز نے شرکت کی۔

ڈی پی او سوات نے تمام تھانوں کی جرائم کے خلاف اب تک کی کارروائیوں اور پولیس کی کارکردگی کا جائزہ لیتے ہوئے سنگین مقدمات کو ترجیحی بنیادوں پر نمٹانے، ملوث ملزمان کو گرفتار کرنے اور مطلوب مجرموں کی گرفتاری پر خصوصی توجہ دینے کی ہدایت کی۔

(جاری ہے)

انہوں نے منشیات کے خلاف بھرپور کریک ڈاون کرنے اور ناسور کی کاروبار سے وابستہ افراد اور دیگر جرائم میں ملوث عناصر کے خلاف سخت اقدامات کرنے کی ہدایات جاری کیں۔

اجلاس کے دوران آمدہ پولیو مہم کے حوالے سے تمام تر حفاظتی انتظامات کا تفصیلی جائزہ لیا گیا۔ڈی پی او سوات محمد عمر خان نے شرکاء میٹنگ کو ہدایات دیتے ہوئے کہا کہ سینئر آفیسرز آمدہ پولیو مہم کو فل پروف بنانے کیلئے تمام دستیاب وسائل بروئے کار لائیں ،پولیو ٹیم کے سکیورٹی پر کوئی سمجھوتہ نہیں کیا جائیگا اس لیے اپنے علاقہ اختیار میں ایس ایچ اوز اور محرر سٹاف کو پولیو ڈیوٹی پر جانے سے پہلے تمام اہلکاروں کو اپنے اور اپنی پولیو ٹیم کی حفاظت کو یقینی بنانے کیلئے اقدامات کرنے اور اپنے ارد گرد مشکوک افراد پر کڑی نظر رکھنے کی سختی سے ہدایات کیا کریں۔

انہوں نے کہ تمام سپروائزری آفیسرز اپنے علاقہ اختیار میں بی ایچ یوزکے ویزٹس کے ساتھ ساتھ پولیو ٹیم کے سکیورٹی پرمامور پولیس اہلکاروں کے حفاظتی اقدامات بلٹ پروف جیکٹس و ہیلمٹ اور اسلحہ ایمونیشن چیک کیا کریں اور انہیں ڈیوٹی کے حوالے سے مناسب ہدایات جاری کریں۔ ڈی پی او سوات نے ضلع بھر میں امن و امان کی صورتحال برقرار رکھنے کے لیے نیشنل ایکشن پلان کے تحت سرچ اینڈ سٹرائیک آپریشنز جاری رکھنے، اہم چیک پوائنٹس قائم کرنے، عوامی مقامات اور ضلع کے داخلی راستوں کی سکیورٹی، ون ویلنگ کی روک تھام، غیر قانونی وارننگ لائٹس کی استعمال کا خاتمہ کرنے کے لیے اہم شاہراؤں ناکہ بندیوں کا اہتمام کرنے، چیکنگ اور پیٹرولنگ کو مؤثر بنانے کی ہدایات جاری کیں۔

ڈی پی او سوات نے تمام ایس ایچ اوز کو ہدایت کی کہ وہ اپنے دائرہ اختیار میں موجود ہوٹلوں کا معائنہ کریں اور انہیں "ہوٹل آئی سافٹ ویئر" میں روزانہ کی بنیاد پر انٹری کرنے کی سختی سے تاکید کریں، تاکہ کسی بھی مجرمانہ عنصر کی موجودگی کی صورت میں پولیس کو فوری طور پر معلومات مل سکیں۔