Live Updates

ْ پنجاب حکومت نے بروقت بندباندھ کر تحصیل فیروزوالہ اور شیخوپورہ میں سینکڑوں جانیں بچا لیں

اعوان پار، سنت پورہ اور دیگر ملحقہ آبادیوں کو بندباندھ کر محفوظ کیا، سینکڑوں مویشی، زرعی زمینیں اور لوگوں کا روزگار بچالیا گیا سیلابی ریلے سے بچائو کیلئے فوری اقدامات کرنے پر صوبائی حکومت بالخصوص وزیراعلیٰ مریم نواز شریف کے ممنون و مشکور ہیں‘ اہل علاقہ

جمعہ 29 اگست 2025 19:40

لاہور(اُردو پوائنٹ اخبارتازہ ترین - این این آئی۔ 29 اگست2025ء) وزیراعلیٰ پنجاب مریم نواز شریف کی ہدایت پر انتظامیہ نے بروقت بندباندھ کر تحصیل فیروزوالہ اور شیخوپورہ میں سینکڑوں جانیں بچالیں۔ درجن بھر گاؤں اور سینکڑوں مویشی، زرعی زمینیں اور لوگوں کا رورزگار بچا لیا گیا۔

(جاری ہے)

وزیر اعلیٰ مریم نواز شریف کی بھارت سیلابی ریلوں سے لوگوں کو بچانے کیلئے فوری اقدامات کی بدولت پنجاب حکومت نے بند باندھ کر آبادیوں کو محفوظ بنا یا۔ اعوان پار، سنت پورہ اور دیگر ملحقہ آبادیاں حکومت کی جانب سے بنائے گئے بند کی وجہ سے سیلابی ریلے محفوظ رہیں۔ اہل علاقہ نے سیلابی ریلے سے بچائوکے لئے فوری اقدامات کرنے پر صوبائی حکومت بالخصوص وزیر اعلیٰ پنجاب مریم نواز شریف کا شکریہ ادا کیا۔