Live Updates

جموں وکشمیر ،کلائوڈ برسٹ کے واقعات میں 5بچ وں سمیت 7افراد جاں بحق

ہفتہ 30 اگست 2025 11:33

جموں (اُردو پوائنٹ اخبارتازہ ترین - اے پی پی۔ 30 اگست2025ء) بھارت کے غیر قانونی زیر تسلط جموں وکشمیر کے ضلع ریاسی میں کلائوڈ برسٹ سے پانچ بچوں سمیت ایک ہی خاندان کے سات افراد جاں بحق ہو گئے۔ کشمیر میڈیاسروس کے مطابق یہ واقعہ ضلع کے ایک دور افتادہ گائوں کراڈامیں پیش آیا، ا یک گھر کا مالک نذیر احمد ، اس کی اہلیہ وزیرہ بیگم اور پانچ بچے جاں بحق ہوگئے۔

(جاری ہے)

علاقے کے رکن اسمبلی خورشید احمد نے اموات کی تصدیق کرتے ہوئے کہا کہ کلائوڈ برسٹ کا واقعہ گزشتہ رات پیش آیا، نذیر احمد، اس کی بیوی وزیرہ بیگم اور ان کے پانچ بچےجاں بحق ہوگئے ہیں۔دریں اثناا یک اور واقعے میں ضلع رام بن کی تحصیل راج گڑھ کلائوڈ برسٹ سے چار افراد کی جانیں ضائع ہو گئیں جبکہ ایک شخص لاپتہ ہے۔ کلائوڈ برسٹ سے سیلاب نے تباہی مچا دی، عمارتیں بہہ گئیں اور املاک کو شدید نقصان پہنچا۔