ڈپٹی کمشنر ہری پور اور ڈی پی او کا افغان مہاجرین کیمپ کا دورہ

اتوار 31 اگست 2025 19:30

ایبٹ آباد (اُردو پوائنٹ اخبارتازہ ترین - اے پی پی۔ 31 اگست2025ء) ڈپٹی کمشنر ہری پور محمد وسیم اور ڈی پی او فرحان خان نے افغان مہاجرین کیمپ کا دورہ کیا اور افغان مہاجرین سے ملاقات کی۔

(جاری ہے)

ہری پور پولیس کے مطابق افغان مہاجرین سے گفتگو کرتے ہوئے افسران نے کہا کہ کہ وہ حکومت پاکستان کی جانب سے جاری کردہ ہدایات پر من و عن عملدرآمد کو یقینی بناتے ہوئے باعزت طریقے سے اپنے وطن افغانستان واپس جائیں۔ہری پور پولیس اور ضلعی انتظامیہ افغان مہاجرین کی وطن واپسی کو عزت و احترام کے ساتھ یقینی بنائے گی۔ اس موقع پر ضلعی انتظامیہ اور پولیس افسران بھی موجود تھے۔