پاکستان کا ایران پر انحصار بڑھ گیا، درآمدات میں مزید اضافہ

اتوار 31 اگست 2025 21:30

اسلام آباد (اُردو پوائنٹ اخبارتازہ ترین - این این آئی۔ 31 اگست2025ء)نئے مالی سال 26-2025 کے آغاز پر پاکستان کا ایران سے درآمدات پر انحصار میں مزید اضافہ ہو گیا ہے۔حکومتی ذرائع نے بتایا کہ جولائی 2025 میں ماہانہ بنیادوں پر ایران سے پاکستانی درآمدات 70 فیصد بڑھ گئی ہیں، جولائی 2025 میں سالانہ بنیاد پر درآمدات میں 12 فیصد اضافہ ریکارڈ ہوا ہے۔

(جاری ہے)

ذرائع کے مطابق ایران سے جولائی 2025 میں پاکستانی درآمدات کا حجم 11 کروڑ 20 لاکھ ڈالرز رہا۔

جون 2025 میں ایران سے پاکستانی درآمدات 6 کروڑ 60 لاکھ ڈالرز تھیں۔جولائی 2024 میں ایران سے پاکستانی درآمدات 10 کروڑ ڈالرز تھیں، مالی سال 25-2024 میں ایران سے پاکستان کی درآمدات میں 18 فیصد اضافہ ہوا تھا۔گذشتہ مالی سال ایران سے پاکستانی درآمدات کا حجم ایک ارب 22 کروڑ 20 لاکھ ڈالرز تھا، مالی سال دو ہزار 24-2023 میں ایران سے پاکستانی درآمدات ایک ارب 3 کروڑ 70 لاکھ ڈالرز تھیں۔