پاکستان کی بڑی سفارتی کامیابی، ایس سی او کانفرنس میں جعفر ایکسپریس اور خضدار حملوں کی مذمت

یہ حملے خطے کے امن و استحکام کو متاثر کرنے کی سازش ہیں جنہیں ہرگز برداشت نہیں کیا جا سکتا. اعلامیہ شنگھائی تعاون تنظیم

میاں محمد ندیم پیر 1 ستمبر 2025 16:18

پاکستان کی بڑی سفارتی کامیابی، ایس سی او کانفرنس میں جعفر ایکسپریس ..

تیانجن(اردوپوائنٹ اخبارتازہ ترین-انٹرنیشنل پریس ایجنسی۔یکم ستمبر ۔2025 )شنگھائی تعاون تنظیم (ایس سی او) کانفرنس میں پاکستان کو بڑی سفارتی کامیابی مل گئی اعلامیے میں جعفر ایکسپریس اور خضدار حملوں کی مذمت کی گئی ہے.

(جاری ہے)

نجی ٹی وی کے مطابق شنگھائی تعاون تنظیم نے کو جعفر ایکسپریس اور خضدار میں ہونے والے دہشت گرد حملوں کی شدید مذمت کی، جاری اعلامیے میں کہا گیا کہ یہ حملے خطے کے امن و استحکام کو متاثر کرنے کی سازش ہیں، جنہیں ہرگز برداشت نہیں کیا جا سکتا. ایس سی او کی جانب سے اس باضابطہ مذمت کو پاکستان کی بڑی سفارتی کامیابی قرار دیا جا رہا ہے، اس سے عالمی سطح پر دہشت گردی کے خلاف پاکستان کے مقف کی تائید ہوئی ہے اعلامیے میں کہا گیا کہ رکن ممالک دہشت گردی کے خاتمے کے لیے پاکستان کے ساتھ کھڑے ہیں اور مل کر اس ناسور کو جڑ سے اکھاڑ پھینکیں گے.