پاکستان کی خاطر اپنی جانوں کی قربانی سے پیچھے نہیں ہٹیں گے،معرکۂ حق میں بہادری اور قربانی کی روشن مثال قائم کر نے والے حوالدار فلک ناز کا عزم

منگل 2 ستمبر 2025 12:38

اسلام آباد (اُردو پوائنٹ اخبارتازہ ترین - اے پی پی۔ 02 ستمبر2025ء) حوالدار فلک ناز نے معرکۂ حق میں بہادری اور قربانی کی روشن مثال پیش کی، معرکۂ حق کے ہیروز نے اپنی بے مثال قربانی اور شجاعت سے ایک نئی اور روشن تاریخ رقم کی، معرکۂ حق میں شجاعت و بہادری کی عظیم مثال قائم کرنے والے پاک فوج کے جانباز سپوتوں کو اعزازات سے نوازا گیا، پاک فوج کے شیر دل جوان حوالدار فلک ناز کو ان کی شجاعت کے اعتراف میں تمغۂ بسالت سے نوازا گیا، حوالدار فلک ناز (تمغہ بسالت)نے معرکۂ حق کی یادیں تازہ کرتے ہوئے کہا کہ 10 مئی کو جب بزدل دشمن نے حملہ کیا تو میں امین پوسٹ کا سیٹ کمانڈر تھا، مجھے آرڈر ملا کہ اپنی سیٹ ٹیم کے ساتھ امین پوسٹ پہنچ کر دشمن کے فزیکل ریڈ کو ناکام بنایا جائے۔

حوالدار فلک ناز نے کہا کہ اسی دوران راستے میں دشمن کا مارٹر گولہ ہمارے قریب گرا، جس کے نتیجے میں میرا ہاتھ زخمی ہوا ، زخم کے باوجود ہم امین پوسٹ پہنچے اور دشمن کے فزیکل ریڈ کو ناکام بنا دیا ۔

(جاری ہے)

انہوں نے پاکستانی قوم کو یہ پیغام دیا ہے کہ جب تک آپ پاک فوج کے ساتھ ہیں، ہمارے حوصلے بلند اور غیرمتزلزل رہیں گے،ہم پاکستان کی خاطر اپنی جانوں کی قربانی سے پیچھے نہیں ہٹیں گے، پاک فوج سیسہ پلائی دیوار بن کر دشمن کے سامنے ثابت قدم رہی ہے۔ انہوں نے کہاکہ معرکۂ حق میں دشمن کے سامنے ثابت قدم رہنے والے سپاہی قوم کے ماتھے کا جھومر ہیں ، جنہیں قوم سلام پیش کرتی ہے۔