بھارت، آئی سی یو وارڈ میں چوہے نے 2 نومولود بچوں کو کاٹ لیا

جمعرات 4 ستمبر 2025 14:51

اندور(اُردو پوائنٹ اخبارتازہ ترین - این این آئی۔ 04 ستمبر2025ء) بھارت کے ریاست مدھیہ پردیش کے ایک بڑے سرکاری اسپتال میں افسوسناک واقعہ پیش آیا جہاں چوہے نے انتہائی نگہداشت وارڈمیں داخل دو نومولود بچوں کو کاٹ لیا۔بھارتی میڈیا کے مطابق نومولود بچی کا وزن 1.2 کلوگرام تھا اور وہ نمونیا کے باعث اسپتال میں داخل تھی، جبکہ دوسرا بچہ 1.6 کلوگرام وزن کے ساتھ وینٹی لیٹر پر تھا۔

(جاری ہے)

دونوں کو چوہے نے ہاتھ اور کندھے پر کاٹا۔اسپتال انتظامیہ کا کہنا تھا کہ بچی کی موت چوہے کے کاٹنے سے نہیں ہوئی، تاہم یہ واقعہ حفاظتی انتظامات میں سنگین غفلت کو ظاہر کرتا ہے۔ واقعے کے بعد وارڈ کی دو نرسوں کو معطل کر دیا گیا ہے۔انتظامیہ کے مطابق اسپتال کے اردگرد بارش کا پانی جمع ہونے اور سیوریج لائن ٹوٹنے کی وجہ سے پچھلے چند دنوں سے وارڈ میں چوہے دکھائی دے رہے تھے۔