گورنر فیصل کریم کنڈی کا افغانستان سفارتخانہ کا دورہ، افغانستان میں حالیہ زلزلے سے ہونے والے جانی و مالی نقصانات پر گہرے دکھ اور افسوس کا اظہار

جمعہ 5 ستمبر 2025 18:30

اسلام آباد (اُردو پوائنٹ اخبارتازہ ترین - اے پی پی۔ 05 ستمبر2025ء) گورنر خیبرپختونخوا فیصل کریم کنڈی نے اسلام آباد میں افغانستان سفارتخانے کا دورہ کیااور پاکستان میں تعینات افغانی سفیر مولوی سردار احمد شکیب سے ملاقات کی۔

(جاری ہے)

جمعہ کو گورنر آفس سے جاری بیان کے مطابق گورنرفیصل کریم کنڈی نے افغانستان میں حالیہ زلزلے سے ہونے والے جانی و مالی نقصانات پر گہرے دکھ اور افسوس کا اظہار کیا اور افغانی سفیر سے تعزیت کی۔

انہوں نے جاں بحق افراد کی مغفرت اور زخمیوں کی جلد صحت یابی کی دعا کی۔گورنر نے اس موقع پر افغان سفارتخانہ میں مہمانوں کی کتاب میں اپنے تعزیتی کلمات بھی درج کئے۔افغان سفیر مولوی سردار احمد شکیب نے افغان سفارتخانہ آمد اور اظہار ہمدردی پر گورنر خیبرپختونخوا کا شکریہ ادا کیا۔