قوم پاک فوج کے ہرافسر، ہر جوان ،ہرشہید اور ہرغازی کو سلام پیش کرتی ہے ، مریم نواز

ہفتہ 6 ستمبر 2025 12:50

لاہور (اُردو پوائنٹ اخبارتازہ ترین - اے پی پی۔ 06 ستمبر2025ء) وزیراعلی پنجاب مریم نوازشریف کا یومِ دفاع پر پیغام میں کہا ہے کہ قوم پاک فوج کے ہرافسر، ہر جوان ،ہرشہید اور ہرغازی کو سلام پیش کرتی ہے ۔ مریم نوازنے کہا ہے کہ معرکہ حق میں پاک فوج نے دشمن پر برتری حاصل کرکے اقوام عالم میں اپنا لوہا منوایا ۔

(جاری ہے)

دھرتی کے لئے سرحد وں پر سینہ سپر ہونے والے بہادر سپوت قوم کا فخر ہیں۔ پاک فوج نے ثابت کیا جنگیں ہتھیاروں سے نہیں بلکہ ایمان و یقین سے جیتی جاتی ہیں۔ اللہ تعالی کے فضل و کرم سے آج کا پاکستان مضبوط ہے اور دفاع ناقابل تسخیر ہے آج پاکستان ایک ایٹمی طاقت ہیں اور افواج پہلے سے بھی زیادہ پراعتماد ہے۔ عوام مسلح افواج کے ساتھ شانہ بشانہ کھڑے ہیں اور ہمیشہ کھڑے ہوں گے۔