Live Updates

7 سے 9 ستمبر کے دوران بارش کے باعث حیدرآباد اور کراچی کے نشیبی علا قے زیر آب آنے کاخدشہ ، پنجاب کے سیلاب سے متاثرہ علاقوں میں مزید بارشوں سے صورتحال مزید خراب ہونے کا خدشہ ہے، محکمہ موسمیات

ہفتہ 6 ستمبر 2025 20:10

اسلام آباد (اُردو پوائنٹ اخبارتازہ ترین - اے پی پی۔ 06 ستمبر2025ء) محکمہ موسمیات نے اتوار 7 ستمبر سے منگل 9 ستمبر کے دوران بارش کا انتباہ جاری کرتے ہوئے کہا ہے کہ اس دوران حیدرآباد اور کراچی کے نشیبی علا قے زیر آب آنے کاخدشہ جبکہ پنجاب کے سیلاب سے متاثرہ علاقوں میں مزید بارشوں سے صورتحال مزید خراب ہو سکتی ہے۔ڈیرہ غازی خان اور اس سے ملحقہ بلوچستان کے مشرقی اور جنوبی علاقوں کے مقامی ،برساتی ندی نالوں میں طغیانی کا خطرہ ہے۔

(جاری ہے)

اس دوران بالائی خیبرپختونخوا، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خدشہ ہے۔ محکمہ موسمیات نے خبردار کیا ہے کہ شدید بارشوں ،آندھی،جھکڑ چلنے اورگرج چمک کے باعث روزمرہ کے معمولات متاثر ہونے اور کمزور انفرا سٹرکچر کے نقصان کا اندیشہ ہے۔ مسافر اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں ، بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔

سیلاب کی تباہ کاریاں سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں