گورنر سندھ کی افغان قونصلیٹ آمد، افغانستان میں حالیہ زلزلے سے ہونے والی جانی نقصان پر رنج و غم کا اظہار

اتوار 7 ستمبر 2025 17:25

کراچی(اُردو پوائنٹ اخبارتازہ ترین - این این آئی۔ 07 ستمبر2025ء)گورنر سندھ کامران خان ٹیسوری نے افغان قونصلیٹ کراچی کا دورہ کیا، جہاں قونصل جنرل سید عبدالجبار تخاری اور سفارتی عملے نے ان کا خیرمقدم کیا۔

(جاری ہے)

اس موقع پر گورنر سندھ نے افغانستان کے صوبہ کنڑ اور ننگرہار میں حالیہ زلزلے سے ہونے والی جانی نقصان پر گہرے رنج و غم کا اظہار کرتے ہوئے متاثرین کے ساتھ مکمل یکجہتی اور ہر ممکن تعاون کی یقین دہانی کرائی۔

اس موقع پر ایم کیو ایم پاکستان کے سینئر مرکزی رہنماء ڈاکٹر فاروق ستار بھی گورنر سندھ کے ہمراہ تھے۔ ملاقات میں پاک-افغان تجارت کے فروغ سمیت باہمی دلچسپی کے متعدد امور پر تبادلہ خیال کیا گیا۔گورنر سندھ نے تعزیتی کتاب میں اپنے تاثرات تحریر کرتے ہوئے افغان عوام کے ساتھ ہمدردی اور یکجہتی کے جذبات کااظہارکیا۔