qپاک جنوبی افریقہ سیریز کیلئے وینیوز کو حتمی شکل دیدی گئی

اتوار 7 ستمبر 2025 18:00

لاہور(اُردو پوائنٹ اخبارتازہ ترین - آن لائن۔ 07 ستمبر2025ء)پاکستان اور جنوبی افریقہ کے درمیان سیریز کے لیے وینیوز کو حتمی شکل دیدی گئی۔ذرائع کے مطابق جنوبی افریقہ سیریز کے خلاف سیریز کے میچز لاہور، راولپنڈی اور فیصل آباد میں ہوں گے، کرکٹ جنوبی افریقہ کی ریکی ٹیم نے بھی ان تینوں وینیوز کا دورہ کیا تھا۔

(جاری ہے)

ذرائع کا بتانا ہے کہ فیصل آباد میں وائٹ بال سیریز کے میچز ہوں گے، فیصل آباد 2008 کے بعد انٹرنیشنل میچز کی میزبانی کرے گا۔

جنوبی افریقہ کا ٹیسٹ سکواڈ اکتوبرکے پہلے ہفتے میں لاہور پہنچے گا، ٹیسٹ میچز لاہور اور راولپنڈی میں ہوں گے، دونوں ٹیموں کے درمیان پہلا ٹیسٹ لاہور میں 12 اکتوبر سے شروع ہو گا۔ذرائع کا کہنا ہے کہ پاکستان اور جنوبی افریقہ کے درمیان سیریز کے شیڈول کا باضابطہ اعلان جلد متوقع ہے۔