Live Updates

ْموسمیاتی تبدیلی میں پاکستان کا حصہ ایک فیصد سے بھی کم ،متاثرزیادہ ہے‘ برطانوی ہائی کمشنر

پیر 8 ستمبر 2025 13:15

اسلام آباد(اُردو پوائنٹ اخبارتازہ ترین - این این آئی۔ 08 ستمبر2025ء) پاکستان میں برطانوی ہائی کمشنر جین میریٹ نے بھی پاکستان کو موسمیاتی تبدیلی سے سب سے زیادہ متاثر ہونے والے ممالک میں سے ایک قرار دیدیا۔ایک بیان میں جین میریٹ نے کہاکہ پاکستان موسمیاتی تبدیلی سے سب سے زیادہ متاثر ہونے والے ملکوں میں شامل ہے جب کہ موسمیاتی تبدیلی میں پاکستان کا حصہ ایک فیصد سے بھی کم ہے۔

(جاری ہے)

انہوں نے کہا کہ پاکستان میں تعلیم کے مختلف نظاموں اور آبادی میں تیز اضافے کی وجہ سے پاکستان کو تعلیمی نظام میں بہتری لانے کے لیے بڑے امتحان کا سامنا ہے۔واضح رہے کہ پاکستان کو موسمیاتی تبدیلیوں کے نتیجے میں پہلے بھی خطرناک سیلاب کا سامنا کرنا پڑا تھا اور اب بھی طوفانی بارشوں اور سیلاب کا سامنا کرنا پڑ رہا ہے۔این ڈی ایم اے کے مطابق موسمیاتی تبدیلیوں کے اثرات سے آئندہ سال بارشوں کی شدت بائیس فیصد زیادہ ہوگی۔