اسلام آباد پولیس نے غیر ملکی مہمان کی آمد و رفت کے باعث ٹریفک ایڈوائزری جاری کر دی

بدھ 10 ستمبر 2025 11:41

اسلام آباد (اُردو پوائنٹ اخبارتازہ ترین - اے پی پی۔ 10 ستمبر2025ء) اسلام آباد پولیس نے 10 ستمبر 2025 کو غیر ملکی مہمان کی آمد و رفت کے باعث ٹریفک ایڈوائزری جاری کر دی۔ ترجمان ٹریفک پولیس کے مطابق صبح 10:30 بجے سے دوپہر 2:30 بجے تک ایکسپریس ہائی وے اور سری نگر ہائی وے پر ٹریفک کی روانی متاثر ہونے کا امکان ہے۔ترجمان کے مطابق شہریوں کو متبادل راستے استعمال کرنے کی ہدایت کی گئی ہے۔

ایکسپریس ہائی وے اور سری نگر ہائی وے سے منسلک سروس روڈ جبکہ بلیو ایریا، سیکٹر F-6 اور F-7 جانے والے شہری H-8 انڈر پاس استعمال کریں۔ اسی طرح ریڈ زون اور سرینہ ہوٹل آنے جانے والی ٹریفک کو مارگلہ روڈ، جناح ایونیو، ایوب چوک اور نادرا چوک سے گزرنے کی ہدایت دی گئی ہے۔بری امام جانے والے شہریوں کو نادرا چوک جبکہ سیکٹر آئی اور ایچ کے لئے راولپنڈی پشاور روڈ اور آئی جے پی روڈ سے سروس روڈ استعمال کرنے کی ہدایت ہے۔

(جاری ہے)

مری روڈ سے سرینا اور فیض آباد براستہ راول ڈیم ٹریفک بند رہے گی۔چیف ٹریفک آفیسر کیپٹن (ر) حمزہ ہمایوں نے کہا ہے کہ شہری مشکلات سے بچنے کے لئے 20 منٹ اضافی وقت رکھ کر گھر سے نکلیں اور کسی بھی رہنمائی کے لئے ہیلپ لائن 1915 پر رابطہ کریں۔ ٹریفک پولیس اہلکار مختلف مقامات پر شہریوں کی رہنمائی کے لئے موجود رہیں گے جبکہ سوشل میڈیا پلیٹ فارم پر بھی بروقت معلومات فراہم کی جائیں گی۔