Live Updates

ظ*پنجاب پولیس کا سیلاب زدہ علاقوں میں ریسکیو اینڈ ریلیف آپریشن بلاتعطل جاری

اب تک 05 لاکھ 88 ہزار 658 شہریوں اور06 لاکھ11 ہزار 596 مویشیوں کو بھی محفوظ مقامات پر منتقل کیا گیا

جمعرات 11 ستمبر 2025 21:55

ت*لاہور (اُردو پوائنٹ اخبارتازہ ترین - آن لائن۔ 11 ستمبر2025ء) انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس کا سیلاب زدہ علاقوں میں ریسکیو اینڈ ریلیف آپریشن بلاتعطل جاری ہے جس کے تسلسل میں پنجاب پولیس سیلاب متاثرہ علاقوں سے اب تک 05 لاکھ 88 ہزار 658شہریوں کا انخلا یقینی بنا چکی ہے۔آئی جی پنجاب نے کہا کہ متاثرہ شہریوں کے ساتھ ساتھ06 لاکھ 11 ہزار 596 مویشیوں کو بھی سیلاب زدہ علاقوں سے محفوظ مقامات پر منتقل کیا گیا ہے۔

ریسکیو اینڈ ریلیف آپریشن میں سیف سٹی کی جدید تھرمل امیجنگ ٹیکنالوجی اور ڈرون کیمرے بھی استعمال کئے جا رہے ہیں تاکہ بروقت اور محفوظ آپریشن کو یقینی بنایا جا سکے۔ڈاکٹر عثمان انور نے کہا کہ پنجاب پولیس کے 16 ہزار سے زائد افسران و اہلکار، 768 وہیکلز اور 40 کشتیاں ریسکیو اینڈ ریلیف آپریشن میں حصہ لے رہے ہیں۔

(جاری ہے)

ترجمان پنجاب پولیس نے بتایا کہ اب تک سیلاب زدہ علاقوں سے 02 لاکھ 47 ہزار 463 مردوں، ایک لاکھ 84 ہزار 260 خواتین اور ایک لاکھ 56 ہزار 935 بچوں کو ریسکیو کیا گیا ہے۔

ملتان ریجن سے 02 لاکھ 28 ہزار 802 شہریوں کو ریسکیو کیا گیا۔ فیصل آباد ریجن سے 71 ہزار 454 شہریوں کو محفوظ مقامات پر منتقل کیا گیا۔ اسی طرح ڈی جی خان ریجن سے 69 ہزار 517 شہریوں اور ساہیوال ریجن سے 57 ہزار 342 متاثرین کو سیلاب زدہ علاقوں سے نکالا گیا