یاسین ملک کی پھانسی جنوبی ایشیا میں امن کی آخری اُمید کو ختم کر دے گی،مشعال ملک

جمعہ 12 ستمبر 2025 10:10

اسلام آباد (اُردو پوائنٹ اخبارتازہ ترین - اے پی پی۔ 12 ستمبر2025ء) حریت رہنماء یاسین ملک کی اہلیہ مشعال حسین ملک نے خبردار کیا ہے کہ یاسین ملک کی پھانسی جنوبی ایشیا میں امن کی آخری اُمید کو ختم کر دے گی۔یہاں جاری بیان میں انہوں نے کہا کہ ہتھیار چھوڑ کر مکالمہ اپنانے والے رہنما کو دہشت گرد کہنا امن کے عمل کو دفنانے کے مترادف ہے۔مشعال ملک کے مطابق مودی انتخابات سے قبل پھانسی کی کارروائی تیز کر کے سیاسی فائدہ چاہتے ہیں۔

(جاری ہے)

انہوں نے بتایا کہ یاسین کی بیٹی گیارہ برس سے والد کو نہیں دیکھ سکی اور تصویر تکیے کے نیچے رکھ کر سوتی ہے۔مشعال حسین ملک نے عالمی برادری سے مطالبہ کیا کہ وہ پھانسی رکوانے اور خطے کے امن کو بچانے کے لیے کردار ادا کریں، یاسین ملک کی پھانسی امن کی آخری اُمید کو مار ڈالے گی،ہتھیار چھوڑ کر مکالمہ اپنانے والے کو دہشت گرد کہنا تاریخ کا بڑا دھوکہ ہے۔مشعال ملک نے کہا کہ مودی انتخابات جیتنے کے لیے یاسین ملک کی جان سے کھیل رہے ہیں،ایک بچی 11 برس سے باپ کی تصویر تکیے کے نیچے رکھ کر سوتی ہے۔مشعال ملک نے کہا کہ عدالتوں کو سیاسی کھیل کا حصہ بنانا برصغیر کو جنگ کے دہانے پر لے جائے گا،یہ صرف یاسین نہیں، یہ امن اور انسانیت کے انتخاب کا سوال ہے۔