راشد لطیف خان یونیورسٹی میں سٹوڈنٹس کانفرنس 2025 کا انعقاد

پیر 15 ستمبر 2025 21:16

لاہور(اُردو پوائنٹ اخبارتازہ ترین - آن لائن۔ 15 ستمبر2025ء)راشد لطیف خان یونیورسٹی اور راشد لطیف میڈیکل کالج کے زیرِ اہتمام دوسری بین الاقوامی اسٹوکان (STUCON 2025) کا انعقاد،، پاکستان اور بیرونِ ملک سے طلبہ، اساتذہ اور ممتاز ماہرین نے بھر پور شرکت کی۔ پروفیسر ڈاکٹر راشد لطیف خان کا کہنا ہے کہ پائیدار مستقبل کے لیے انقلابی حکمتِ عملیوں کو اپنانا ہو گا۔

آر ایل کے گروپ کے زیر اہتمام اسٹوڈنٹس کانفرنس کا موضوع‘‘مستقبل کی تشکیل ط پائیدار حل کے لیے انقلابی حکمتِ عملیاں’’تھا۔ کانفرنس سے قبل صنفی بنیاد پر تشدد اور کیریئر کاؤنسلنگ کے موضوعات پر دو اہم سیمینار بھی منعقد کیے گئے، جن میں ملکی اور غیر ملکی ماہرین نے خطاب کیا۔ کانفرنس میں 61 پری کانفرنس ورکشاپس کا انعقاد بھی کیا گیا۔

(جاری ہے)

متوازی سیشنز میں طلبہ نے میڈیسن، سرجری، فارمیسی، ڈی پی ٹی، بی ڈی ایس اور نفسیات سمیت دیگر شعبہ جات میں اپنے تحقیقی مقالے پیش کیے جبکہ تھنک ٹینک، میڈ میز اور موہر جیسے مقابلوں نے طلبہ کی تخلیقی صلاحیتوں کو اجاگر کیا۔

افتتاحی تقریب میں مہمانِ خصوصی وائس چانسلر کنگ ایڈورڈ میڈیکل یونیورسٹی پروفیسر محمود ایاز نے خطاب کیا۔ پروفیسر ڈاکٹر راشد لطیف، سی ای او صباحت خان، پروفیسر طاہر مسعود احمد، پروفیسر مدثر علی، پروفیسر ابو الفضل، ڈٓاکٹر مشتاق مانگھٹ، محمد سرفراز چودھری، صدر لاہور ہائیکورٹ بار ملک آصف نسوآنہ اور شازیہ سلطانہ نے بھی شرکاء سے اظہارِ خیال کیا۔

اس موقع پر ڈائریکٹر مارکیٹنگ زلیخا خان، پرو وائس چانسلر پروفیسر ڈاکٹر رخسانہ کوثر، رجسٹرار ڈاکٹر محمد خالد خان، ڈینز، ہیڈز آف ڈیپارٹمنٹس، اساتذہ کرام اور طلبا و طالبات نے بھرپور شرکت کی۔ کانفرنس کے اختتام پر بہترین ریسرچ پریزنٹیشنز اور مختلف مقابلوں کے فاتحین میں انعامات تقسیم کیے گئے۔ کانفرنس میں کنگ ایڈورڈ میڈیکل یونیورسٹی، یونیورسٹی کالج آف میڈیسن اینڈ ڈینٹسٹری، پنجاب میڈیکل کالج فیصل آباد، علامہ اقبال میڈیکل کالج، یو ایچ ایس، راولپنڈی میڈیکل یونیورسٹی سمیت ملک بھر کے 51 اداروں نے نمائندگی کی۔

ماہرین کے مطابق اسٹوکن 2025 پاکستان میں طبی تعلیم و تحقیق کے فروغ کے لیے ایک تاریخی اور سنگِ میل کی حیثیت رکھتی ہے۔ کانفرنس کا اختتام گالا ڈنر اور سماجی سرگرمیوں کے ساتھ ہوا.